—

თბილისის საქალაქო სასამართლოში, ჟურნალისტების მიმართ განხორციელებულ ფიზიკურ ძალადობაში ბრალდებულების პროცესზე ხმაური იყო

44
თბილისის საქალაქო სასამართლოში, ჟურნალისტების მიმართ განხორციელებულ ფიზიკურ ძალადობაში ბრალდებულების პროცესზე ხმაური იყო
მოსასმენად დააჭირეთ

თბილისის საქალაქო სასამართლოში, ჟურნალისტების მიმართ განხორციელებულ ფიზიკურ ძალადობაში ბრალდებულების პროცესზე ხმაური იყო.

მოსამართლე ნინო ჩახნაშვილის გადაწყვეტილებით, ადვოკატი ირაკლი ზაქარეიშვილი 300 ლარით დაჯარიმდა, აღნიშნულის მიზეზი მის მიერ სხდომის პროტესტის ნიშნად დატოვება გახდა. მოსამართლის განმარტებით, მისთვის პროცესის დატოვების ნება არ მიუცია, რის გამოც, ის დაუმორჩილებლობის გამო დაჯარიმდა.

პროცესის დაწყებისას ბრალდებულებიდან ერთ-ერთმა განაცხადა, რომ მას ჟურნალისტმა რატი წვერავამ თვალი ჩაუკრა. აღნიშნულს სხდომათა დარბაზში ხმაური მოჰყვა. დაზარალებულმა ჟურნალისტმა 5 ივლისს მომხდარი დეტალების გახსენებისას აღნიშნა, რომ ისინი ძალადობრივ და არაკაცების აქციებს არ აშუქებენ. აღნიშნულს ბრალდებულების მხრიდან პროტესტი მოჰყვა.

„მიმიშვით ამ არაკაცთან და დამიმატეთ კიდევ 6 წელი",- განაცხადა ბრალდებულმა გიორგი ნასყიდაშვილმა.

„ჟურნალისტებს, რომ ურტყამდი, კაცი იყავი?" - მიმართა წვერავამ ბრალდებულს.

„ასეთ ვიგინდარას რომ შემოარტყამ, მოძალადე მერე მე ვარ, 8 თვეა, ამათ გამო ვზივარ",- განაცხადა ნასყიდაშვილმა.

აღნიშნულის შემდეგ, მოსამართლემ როგორც მოწმეს, ასევე ბრალდებულებს შენიშვნა მისცა.

აღნიშნულის შემდეგ, ადვოკატმა ირაკლი ზაქარეიშვილმა განაცხადა, რომ ეს "უკიდურესად შეურაცხმყოფელია" და სხდომას ტოვებს.

დარბაზი ბრალდებულების ნაწილმაც დატოვა.

(lpn)

შეაფასეთ
სტატიის ავტორილალა ასქეროვა

სიახლეები

თბილისში მომხდარ ტრაგედიასთან დაკავშირებით პირველი სამძიმარი აზერბაიჯანიდან – აზერბაიჯანის საგარეო საქმეთა სამინისტრო სამძიმარს აცხადებსმიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესყველა სიახლე →