—

ირაკლი კობახიძე - ყველამ იცის, რომ არავის უწამებია მიხეილ სააკაშვილი - 10%-იანი შანსია, კომისიას უმრავლესობამ მხარი დაუჭიროს

33
ირაკლი კობახიძე - ყველამ იცის, რომ არავის უწამებია მიხეილ სააკაშვილი - 10%-იანი შანსია, კომისიას უმრავლესობამ მხარი დაუჭიროს
მოსასმენად დააჭირეთ

ყველამ იცის, რომ არავის უწამებია მიხეილ სააკაშვილი, ეს არის მარტივი ჭეშმარიტება - 10%-იანი შანსია, კომისიას მხარი დაუჭიროს უმრავლესობამ, - ასე პასუხობს „ქართული ოცნების“ თავმჯდომარე ირაკლი კობახიძე „პალიტრანიუსის“…

ყველამ იცის, რომ არავის უწამებია მიხეილ სააკაშვილი, ეს არის მარტივი ჭეშმარიტება - 10%-იანი შანსია, კომისიას მხარი დაუჭიროს უმრავლესობამ, - ასე პასუხობს „ქართული ოცნების“ თავმჯდომარე ირაკლი კობახიძე „პალიტრანიუსის“ გადაცემაში „თავისუფალი სტუდია“ დასმულ შეკითხვას იმის შესახებ, ტოვებს თუ არა ძალაში რამდენიმე კვირის წინ გაცემულ დაპირებას, რომ თუკი სააკაშვილთან დაკავშირებულ საგამოძიებო კომისიას შექმნის საფრთხე შეექმნებოდა კვორუმის თვალსაზრისით, „ქართული ოცნება“ ხელს შეუწყობდა და დაეხმარებოდა ოპოზიციას, რომ ის შექმნილიყო.

ირაკლი კობახიძის განცხადებით, სამშაბათამდე უმრავლესობის სხდომა ისევ გაიმართება და აღნიშნულ საკითხზე კვლავ იმსჯელებენ, თუმცა საგამოძიებო კომისიის შექმნის მხარდაჭერის 10%-იანი შანსი არსებობს.

„ასეთი დაპირება არცერთ ჩვენგანს არ გაუცია, ჩვენ საუბარი გვქონდა იმაზე, რომ ამას განვიხილავდით, ერთი მარტივი მიზეზის გამო. ყველამ იცის, რომ არავის არ უწამებია მიხეილ სააკაშვილი. ასეთი დაშვება ჩვენ გავაკეთეთ, ეს არის დაშვება იმისა, რომ ასეთ რაღაცაზე შეიძლება, ვიმსჯელოთ.

რაც გამოიკვეთა უმრავლესობის შიგნით პოზიცია, არა მგონია, რომ მხარი დაუჭიროს უმრავლესობამ ამ პოზიციას. ეს არის დღევანდელი მოცემულობა. გვქონდა დისკუსია ამასთან დაკავშირებით უმრავლესობის შიგნით და საბოლოო ჯამში აბსურდთან დაკავშირებით არ ჩაითვალა მიზანშეწონილად კომისიის შექმნა. ყველამ იცის, რომ არავის არ უწამებია მიხეილ სააკაშვილი, ეს არის მარტივი ჭეშმარიტება.

რა თქმა უნდა, გარკვეული პლუსი შეიძლება ჰქონოდა ამ კომისიის შექმნას იმ კუთხით, რომ ეს მარტივი ჭეშმარიტება დადგინდებოდა ყველას მიერ, თუმცა მეორე მხარეა, რომ თავის თავად უკვე ასეთი კომისიის შექმნა რაღაც პოლიტიკური აქტია და არ ჩაითვალა ამ პოლიტიკური აქტის განხორციელება მიზანშეწონილად უმრავლესობის მხრიდან. აბსურდთან დაკავშირებით კომისიის შექმნა არ ჩაითვალა მიზანშეწონილად.

ერთი მსჯელობა, ალბათ, კიდევ შედგება. ჩვენ გვექნება უმრავლესობის სხდომა მანამდე, სამშაბათამდე, თუმცა რასაც ვუყურებ, ალბათ, რაღაც 10%-იანი შანსი არის, რომ ასეთ კომისიას მხარი დაუჭიროს უმრავლესობამ“, - განაცხადა ირაკლი კობახიძემ.

(lpn)

შეაფასეთ
სტატიის ავტორილალა ასქეროვა

სიახლეები

თბილისში მომხდარ ტრაგედიასთან დაკავშირებით პირველი სამძიმარი აზერბაიჯანიდან – აზერბაიჯანის საგარეო საქმეთა სამინისტრო სამძიმარს აცხადებსმიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესყველა სიახლე →