—

ლევან დავითაშვილი - საქართველოში მიმზიდველი საინვესტიციო ბიზნესგარემოს არსებობას ადასტურებს ის ფაქტიც, რომ ასეთი სტრატეგიული ინვესტიცია ხორციელდება წყლით მომარაგების სექტორში

89
ლევან დავითაშვილი - საქართველოში მიმზიდველი საინვესტიციო ბიზნესგარემოს არსებობას ადასტურებს ის ფაქტიც, რომ ასეთი სტრატეგიული ინვესტიცია ხორციელდება წყლით მომარაგების სექტორში
მოსასმენად დააჭირეთ

გარემოს დაცვისა და სოფლის მეურნეობის მინისტრი ლევან დავითაშვილი ესპანური კომპანიის „Aqualia“ აღმასრულებელ დირექტორს, ფელიქს პარა მედიავილას შეხვდა.

გარემოს დაცვისა და სოფლის მეურნეობის მინისტრი ლევან დავითაშვილი ესპანური კომპანიის „Aqualia“ აღმასრულებელ დირექტორს, ფელიქს პარა მედიავილას შეხვდა.

კომპანია „Aqualia“ საქართველოში წყლის სექტორის გაუმჯობესების კუთხით ათეული მილიონი დოლარის ინვესტიციას განახორციელებს.

როგორც შეხვედრაზე მინისტრმა აღნიშნა, ასეთი ინვესტიციების განხორციელება ქვეყნის ეკონომიკისთვის ძალიან მნიშვნელოვანი და მისასალმებელია.

„საქართველოში მიმზიდველი საინვესტიციო ბიზნესგარემოს არსებობას ადასტურებს ის ფაქტიც, რომ ასეთი სტრატეგიული ინვესტიცია ხორციელდება წყლით მომარაგების სექტორში. ჩვენთვის მნიშვნელოვანია, რომ, ევროპასთან ინტეგრაციის პროცესში, ჩვენი ქვეყნის მიერ აღებული ვალდებულებები წყლის მართვასთან დაკავშირებით ევროპული დირექტივების შესაბამისად შესრულდეს. ევროპული გამოცდილების გაზიარება მნიშვნელოვანია წყლის რესურსების მდგრადად მართვისთვის“, - განაცხადა ლევან დავითაშვილმა.

ესპანური კომპანიის აღმასრულებელმა დირექტორმა, ფელიქს პარა მედიავილამ შეხვედრაზე აღნიშნა, რომ ესპანურ კომპანიას მრავალწლიანი გამოცდილება აქვს წყლით მომარაგების, გასუფთავების და, ზოგადად, წყლის მართვის საკითხებში, რაც საინტერესო იქნება საქართველოში წყლის სექტორის განვითარებისთვის.

ესპანური კომპანია „Aqualia“ მსოფლიო ათეულში შედის და 17-ზე მეტ ქვეყანაში ოპერირებს, რომელთა შორისაა, საფრანგეთი, ესპანეთი, იტალია და პორტუგალია.

ინფორმაციას გარემოს დაცვისა და სოფლის მეურნეობის სამინისტრო ავრცელებს.

შეაფასეთ
სტატიის ავტორილალა ასქეროვა

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →