—

საგარეო უწყება - 3+3 ფორმატის შეხვედრაზე საქართველო არ იქნება წარმოდგენილი

26
საგარეო უწყება - 3+3 ფორმატის შეხვედრაზე საქართველო არ იქნება წარმოდგენილი
მოსასმენად დააჭირეთ

საქართველოს საგარეო საქმეთა სამინისტროს ინფორმაციით, 10 დეკემბერს მოსკოვში დაგეგმილ 3+3 ფორმატის შეხვედრაზე საქართველო წარმოდგენილი არ იქნება.

როგორც „ინტერპრესნიუსს“ უწყებაში განუცხადეს, საგარეო საქმეთა სამინისტრო არ განიხილავს აღნიშნულ ფორმატში მონაწილეობას.

„საგარეო საქმეთა სამინისტრომ 3+3 რეგიონული თანამშრომლობის ინიციატივასთან დაკავშირებით არაერთხელ დააფიქსირა მკაფიო პოზიცია, მათ შორის საგარეო საქმეთა მინისტრმაც ისაუბრა ამ საკითხზე ბოლო საპარლამენტო მოსმენაზე. ჩვენ არ განვიხილავთ აღნიშნულ ფორმატში მონაწილეობას და შესაბამისად, მიმდინარე წლის 10 დეკემბერს დაგეგმილ შეხვედრაზე საქართველო არ იქნება წარმოდგენილი“, - განაცხადეს უწყებაში.

ინფორმაციისთვის, ექვსეულის პლატფორმის, 3+3 ფორმატის ფარგლებში პირველი შეხვედრა მოსკოვში 10 დეკემბერს გაიმართება.

მედიის ინფორმაციით, შეხვედრა საგარეო საქმეთა მინისტრების მოადგილეების დონეზე გაიმართება და მასში მონაწილეობას თურქეთის, აზერბაიჯანის, სომხეთის, რუსეთისა და ირანის წარმომადგენლები მიიღებენ.

შეგახსენებთ, ექვსეულის (რუსეთი, ირანი, თურქეთი, სომხეთი, აზერბაიჯანი და საქართველო) პლატფორმა, 3+3 ფორმატი, გულისხმობს რეგიონის ქვეყნების თანამშრომლობის ფორმატს და მისი შექმნის ინიციატივა თურქეთის პრეზიდენტს, რეჯეფ თაიფ ერდოღანს ეკუთვნის.

İpn.ge

შეაფასეთ
სტატიის ავტორიაიდა რუსთამოვა

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →