—

ნინო ლომჯარია - ჯანმრთელობის მდგომარეობა თუ მისცემს შესაძლებლობას, სააკაშვილი აუცილებლად უნდა დაესწროს სასამართლო პროცესს, ფიზიკურად თუ ვერ მოხერხდა, დისტანციურად

27
ნინო ლომჯარია - ჯანმრთელობის მდგომარეობა თუ მისცემს შესაძლებლობას, სააკაშვილი აუცილებლად უნდა დაესწროს სასამართლო პროცესს, ფიზიკურად თუ ვერ მოხერხდა, დისტანციურად
მოსასმენად დააჭირეთ

საქართველოს სახალხო დამცველის ნინო ლომჯარიას განაცხადებით, სააკაშვილს ჯანმრთელობის მდგომარეობა თუ მისცემს შესაძლებლობას, ის სასამართლო პროცესს უნდა დაესწროს, თუნდაც დისტანციურად.

მისივე თქმით, სასამართლოს სხდომაზე სააკაშვილის პირადად ან დისტანციურად დასწრება ძალიან მნიშვნელოვანია.

„დღეს გაეცნობიან ჩემი ექსპერტები სააკაშვილის ჯანმრთელობის მდგომარეობას. ალბათ, ზოგად შეფასებებსაც გააკეთებენ მკურნალობის მიმდინარეობის თაობაზე.  შესაძლებელი თუ იქნება და ჯანმრთელობის მდგომარეობა მისცემს შესაძლებლობას, რა თქმა უნდა, აუცილებლად უნდა დაესწროს თუ ფიზიკურად ვერ მოხერხდა, დისტანციურად, რადგან ჩვენ უკვე შევაფასეთ პირველი სამი პროცესი, სადაც მას არ მიეცა არც ერთი ფორმით დასწრების შესაძლებლობა. გარემოებები, რაც წარმოადგინა იუსტიციის სამინისტრომ და პენიტენციურმა სამსახურმა, არ იყო იმის სამართლებრივი გამართლება, რის გამოც მიხეილ სააკაშვილს უარი უთხრეს სასამართლო პროცესზე დასწრებაზე. ამიტომ, ჩვენ მიგვაჩნია, რომ იმ სამ შემთხვევაში მისი უმნიშვნელოვანესი, როგორც ბრალდებულის უფლება, რომ პირადად დაესწროს სასამართლოს და ნებისმიერი სხვა ფორმით საჯაროდ მიიღოს მონაწილეობა სასამართლო სხდომაზე, იყო დარღვეული. ძალიან მნიშვნელოვანი იქნება პირადი ან დისტანციური დასწრება ისე, რომ ეს პროცესი იყოს ღია და საზოგადოებას შეეძლოს, თუნდაც ტელევიზიის მეშვეობით, ონლაინრეჟიმში ამ პროცესს მიადევნოს თვალი. ანუ პროცესი უნდა იყოს საჯარო, რასაც ითხოვს სტრასბურგის სასამართლო ნებისმიერი პირის სისხლის სამართლის საქმის განხილვის დროს“, – განაცხადა ნინო ლომჯარიამ.

(1tv)

შეაფასეთ
სტატიის ავტორიხუმაია მამედოვი

სიახლეები

თბილისში მომხდარ ტრაგედიასთან დაკავშირებით პირველი სამძიმარი აზერბაიჯანიდან – აზერბაიჯანის საგარეო საქმეთა სამინისტრო სამძიმარს აცხადებსმიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესყველა სიახლე →