—

კირკიტაძე- მიხეილ სააკაშვილი საფრთხის ქვეშ არის.

40
კირკიტაძე- მიხეილ სააკაშვილი საფრთხის ქვეშ არის.
მოსასმენად დააჭირეთ

თუკი გლდანის ციხეში ყველაფერი წესრიგშია, რატომ გადაიყვანეს 580 პატიმარი სხვადასხვა სამკურნალო დაწესებულებაში უკანასკნელი ერთი წლის განმავლობაში?- იმიტომ, რომ იქ არ არის არავითარი სერვისი და ხელისუფლება გვატყუებს…

თუკი გლდანის ციხეში ყველაფერი წესრიგშია, რატომ გადაიყვანეს 580 პატიმარი სხვადასხვა სამკურნალო დაწესებულებაში უკანასკნელი ერთი წლის განმავლობაში?- იმიტომ, რომ იქ არ არის არავითარი სერვისი და ხელისუფლება გვატყუებს, საზოგადოებას მინდა ვუთხრა, ნუ დაუჯერებენ ამ ბილწ, მატყუარა ადამიანებს,- ამის შესახებ „ნაციონალური მოძრაობის“ დეპუტატმა დავით კირკიტაძემ განაცხადა, რომელიც პარლამენტში, სხდომათა დარბაზთან 8 დეპუტატთან ერთად შიმშილობს.

მისი თქმით, ხელისუფლებას შურისძიების მოტივი აქვს და შეგნებულად უქმნის საფრთხეს მიხილ სააკაშვილს.

"თუკი სადმე სააკაშვილის სიცოცხლეს, ჯანმრთელობას, ფსიქიკას საფრთხე ემუქრება ეს არის გლდანის ციხე და ამას შეგნებულად აკეთებენ. სამოქალაქო კლინიკაში ის მეტად დაცული იქნება, რატომ გახდა განსაკუთრებული შემთხვევა ეს, თუ არა სიძულვილის, შურისძიების გრძნობით შეპყრობილი ხელისუფლება.მიხეილ სააკაშვილმა განაცხადა, რომ შიმშილობას შეწყვეტს როცა გადაიყვანენ სამოქალაქო კლინიკაში, ჩვენ ვთქვით, რომ ამ შემთხვევაში შევწყვეტთ", - განაცხადა კირკიტაძემ.

შეგახსენებთ, პარლამენტში შიმშილობა 14 ნოემბერს გამოაცხადეს ოპოზიციონერმა დეპუტატებმა: დავით კირკიტაძემ, აკაკი მინაშვილმა, თემურ ჯანაშიამ, ბაჩუკი ქარდავამ, ნიკა მაჭუტაძემ, გიორგი გოდაბრელიძემ, სულხან სიბაშვილმა, ლევან ბეჟაშვილმა, აბდულა ისმაილოვმა. მანამდე პარლამენტში შიმშილობა „დროას“ ლიდერმა, ელენე ხოშტარიამ დაიწყო, რომელიც პარლამენტში უკვე მე-14 დღეა შიმშილობს. გარდა პარლამენტის დეპუტატებისა, შიმშილობა გამოაცხადა „ნაციონალური მოძრაობის“ წევრმა გიორგი ბარამიძემ, რომელიც პარტიის ოფისში შიმშილობს. ყველა მოშიმშილე მიხეილ სააკაშვილის სამოქალაქო კლინიკაში გადაყვანას მოითხოვს.

შეაფასეთ
სტატიის ავტორიInterPress

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →