—

აზერბაიჯანის საგარეო უწყება - ყარაბაღის კონფლიქტის დასრულებით სამხრეთ კავკასიის რეგიონში ახალი რეალობები გაჩნდა

46
აზერბაიჯანის საგარეო უწყება - ყარაბაღის კონფლიქტის დასრულებით სამხრეთ კავკასიის რეგიონში ახალი რეალობები გაჩნდა
მოსასმენად დააჭირეთ

ყარაბაღის კონფლიქტის დასრულებით სამხრეთ კავკასიის რეგიონში ახალი რეალობები გაჩნდა და ეს რეალობები ყველამ უნდა მიიღოს. სომხეთმა უნდა გააკეთოს არჩევანი რეგიონულ თანამშრომლობასა და მეზობლების მიმართ უკანონო, უსაფუძვლო…

ყარაბაღის კონფლიქტის დასრულებით სამხრეთ კავკასიის რეგიონში ახალი რეალობები გაჩნდა და ეს რეალობები ყველამ უნდა მიიღოს. სომხეთმა უნდა გააკეთოს არჩევანი რეგიონულ თანამშრომლობასა და მეზობლების მიმართ უკანონო, უსაფუძვლო ტერიტორიულ პრეტენზიებს შორის, - აზერბაიჯანული მედიის ინფორმაციით, ამის შესახებ ქვეყნის საგარეო საქმეთა სამინისტროს მიერ გავრცელებულ განცხადებაშია აღნიშნული, რომელიც უწყებამ „გამარჯვების დღესთან“ დაკავშირებით გაავრცელა.

„8 ნოემბერი - გამარჯვების დღე არის, საერთაშორისო სამართლისა და სამართლიანობის დღესასწაული, რომელიც ქმნის დიდებულ ფურცელს აზერბაიჯანელი ხალხის ისტორიაში. ამ მნიშვნელოვან დღეს ღრმა პატივისცემით ვიხსენებთ ყველა ჩვენი მოწამის ხსოვნას, რომლებმაც სიცოცხლე გაწირეს აზერბაიჯანის დამოუკიდებლობის, სუვერენიტეტისა და ტერიტორიული მთლიანობისთვის“, - აღნიშნულია განცხადებაში.

აზერბაიჯანის საგარეო უწყების განცხადებით, საერთაშორისო საზოგადოებამ უნდა მოუწოდოს სომხეთს, რომ მშვიდობას ალტერნატივა არ აქვს.

„საერთაშორისო თანამეგობრობამ ამ მხრივ დადებითი როლი უნდა ითამაშოს და მოუწოდოს სომხეთს გააცნობიეროს, რომ მშვიდობას ალტერნატივა არ აქვს. უნდა შეწყდეს სომხეთში რევანშიზმისა და მისი შეიარაღების პირდაპირი თუ არაპირდაპირი მხარდაჭერის მცდელობები“, - აღნიშნულია განცხადებაში.

ყარაბაღში კონფლიქტი 2020 წლის 27 სექტემბერს გამწვავდა. 44-დღიანი ომის შედეგად აზერბაიჯანმა დაიბრუნა კონტროლი ყარაბაღის ნაწილსა და მიმდებარე ტერიტორიებზე. კონფლიქტს როგორც სომხეთის, ასევე აზერბაიჯანის მხრიდან ათასობით ადამიანი ემსხვერპლა. 10 ნოემბერს რუსეთის შუამავლობით აზერბაიჯანისა და სომხეთის ლიდერებმა ცეცხლის შეწყვეტის შესახებ ერთობლივ განცხადებას მოაწერეს ხელი.

შეაფასეთ
სტატიის ავტორიInterPress

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →