—

ირაკლი ღარიბაშვილი - მჯერა, ჩვენ 2 ოქტომბერს ვიზეიმებთ გამარჯვებას, ვინაიდან, „ქართულ ოცნებას" ალტერნატივა არ ჰყავს

26
ირაკლი ღარიბაშვილი - მჯერა, ჩვენ 2 ოქტომბერს ვიზეიმებთ გამარჯვებას, ვინაიდან, „ქართულ ოცნებას" ალტერნატივა არ ჰყავს
მოსასმენად დააჭირეთ

მე მჯერა, რომ ჩვენ 2 ოქტომბერს ვიზეიმებთ გამარჯვებას, ვინაიდან, „ქართულ ოცნებას", რა თქმა უნდა, ალტერნატივა არ ჰყავს, - ამის შესახებ საქართველოს პრემიერ-მინისტრმა ირაკლი ღარიბაშვილმა, „ქართული ოცნების" სარჩევნო კლიპის…

მე მჯერა, რომ ჩვენ 2 ოქტომბერს ვიზეიმებთ გამარჯვებას, ვინაიდან, „ქართულ ოცნებას", რა თქმა უნდა, ალტერნატივა არ ჰყავს, - ამის შესახებ საქართველოს პრემიერ-მინისტრმა ირაკლი ღარიბაშვილმა, „ქართული ოცნების" სარჩევნო კლიპის პრეზენტაციაზე განაცხადა.

როგორც ირაკლი ღარიბაშვილმა აღნიშნა, ქართველ ხალხს სჭირდება მშვიდობა, სტაბილურობა, გაერთიანება და განვითარება და დღეს ერთადერთი პოლიტიკური ძალა, ვისაც ძალუძს განვითარება, წინსვლა და პროგრესი, „ქართული ოცნებაა".

„ჩემთვის დიდი პატივია დღეს აქ ყოფნა. მინდა ყველას გულწრფელი მადლობა გადაგიხადოთ მთელი ამ საარჩევნო კამპანიის დროს თვენი უშუალო ჩართულობისთვის, მხარდაჭერისა და ერთგულებისთვის. მეც ვუერთდები ბატონ ირაკლის სიტყვებს და მინდა აღვნიშნო, რომ ჩვენ დღეს ვიკრიბებით და ერთად ვიხილავთ ახალ საარჩევნო კლიპს, მაგრამ მეორეს მხრივ, ჩვენ ყველა ერთად ვიხსენებთ იმ ტრაგიკულ დღეს, რომელიც სოხუმის დაცემას უკავშირდება. ეს დღე სიმბოლურია, ვინაიდან, გვაერთიანებს ის ტკივილი და დროებითი მოუშუშებელი იარა, რომელიც სოხუმის დაცემამ მოგვაყენა ჩვენ ყველა თაობის წარმომადგენელს, მაგრამ მეორეს მხრივ, ჩვენ კარგად გვახსოვს და კიდევ უფრო მეტი პასუხისმგებლობით უნდა გავიხსენოთ ეს დღე და სწორედ ამ სულისკვეთებით, უკეთესი მომავლის რწმენით უნდა ვისაუბროთ მომავალზე, ვინაიდან, ჩვენი მომავალი არის ნათელი, ჩვენ ღრმად გვწამს და გვჯერა, რომ ერთ დღეს გაერთიანდება ჩვენი ქვეყანა, ვიქნებით ერთიანი, ძლიერი, მტკიცე საელმწიფო, რომელიც ჩვენს ხალხს, ჩვენს ერს გააერთიანებს. ასევე მინდა ვისარგებლო შემთხვევით და დღეს შეკრებილ საზოგადოებას მადლობა ვუთხრა. მადლობა ვუთხრა მოთმინებისთვის. ჩვენ არაერთი პროვოკაციის მომსწრენი გავხდით სარჩევნო კამპანიის დროს, მაგრამ მეორეს მხრივ, ვაჩვენეთ უმაღლესი სტანდარტი. სტანდარტი იმისა, თუ როგორ უნდა ჩატარდეს ევროპული დონის, სტანდარტების შესაბამისი საარჩევნო კამპანია მთელი ქვეყნის მასშტაბით. მართლაც გასაოცარი იყო ის სამუშაო, რომელი ჩვენმა პარტიამ და მხარდამჭერებმა გავწიეთ ყველამ ერთად. ასე, რომ კიდევ ერთხელ, ჩვენი პარტიის თითოეულ წევრს და მხარდამჭერს მადლობას ვუხდი ამ პერიოდის განმავლობაში გამოჩენილი თმენისთვის, სიმტკიცისთვის. მე მჯერა, რომ ჩვენ 2 ოქტომბერს ვიზეიმებთ გამარჯვებას, ვინაიდან, „ქართულ ოცნებას", რა თქმა უნდა, ალტერნატივა არ ჰყავს. ჩვენს ხალხს სჭირდება მშვიდობა, სტაბილურობა, გაერთიანება და რაც მთავარია, განვითარება. ერთადერთი პოლიტიკური ძალა დღეს, ვისაც ძალუძს სწორედ ეს განვითარება, წინსვლა და პროგრესი შემოიტანოს, არის ჩვენი გუნდი - „ქართული ოცნება". კიდევ ერთხელ დიდი მადლობა, გისურვებთ წარმატებას და გამარჯვებას", - აღნიშნა ირაკლი ღარიბაშვილმა.

(ipn)

შეაფასეთ
სტატიის ავტორიხუმაია მამედოვი

სიახლეები

თბილისში მომხდარ ტრაგედიასთან დაკავშირებით პირველი სამძიმარი აზერბაიჯანიდან – აზერბაიჯანის საგარეო საქმეთა სამინისტრო სამძიმარს აცხადებსმიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესყველა სიახლე →