—

ზაალ უდუმაშვილი - რაც არ უნდა განცხადებები გააკეთოს "ქართულმა ოცნებამ“ შარლ მიშელის დოკუმენტი ანულირებული ვერ იქნება

26
ზაალ უდუმაშვილი - რაც არ უნდა განცხადებები გააკეთოს "ქართულმა ოცნებამ“ შარლ მიშელის დოკუმენტი ანულირებული ვერ იქნება
მოსასმენად დააჭირეთ

შარლ მიშელის დოკუმენტი ვერ იქნება ანულირებული, რაც არ უნდა განცხადებები გააკეთოს "ქართულმა ოცნებამ" და რაც არ უნდა იძახონ, რომ ისინი გადიან დოკუმენტიდან,- ამის შესახებ "ერთიანი ნაციონალური მოძრაობის" წევრმა ზაალ…

შარლ მიშელის დოკუმენტი ვერ იქნება ანულირებული, რაც არ უნდა განცხადებები გააკეთოს "ქართულმა ოცნებამ" და რაც არ უნდა იძახონ, რომ ისინი გადიან დოკუმენტიდან,- ამის შესახებ "ერთიანი ნაციონალური მოძრაობის" წევრმა ზაალ უდუმაშვილმა შარლ მიშელის შეთანხმების დოკუმენტზე ხელმოწერის შემდეგ განაცხადა.

როგორც უდუმაშვილმა განმარტა, დოკუმენტზე როგორც საერთაშორისო პარტნიორების, ასევე ოპოზიციის ხელმოწერაა, რის გამოც, ის ძალაშია.

"ასეთი დოკუმენტებიდან ვერ გადიან, ასე არ ხდება ამ დოკუმენტის ანულირება. როცა ამ დოკუმენტზე ჩვენი საერთაშიროსო პარტნიორების, ოპოზიციური პარტიების ხელისმოწერაა, რა თქმა უნდა, ეს დოკუმენტი ძალაშია. ჩვენ სწორედ ამიტომ მოვაწერეთ ამ დოკუმენტს ხელი, რომ დღეს, როგორც არასდროს, საფრთხის წინაშე დგას პროდასავლური განაცხადი და ზოგადად, ჩვენი პროდასავლური ვექტორი, ეს არის სწორედ "ქართული ოცნების" დამსახურება, ეს არჩევნები იქცევა - დასავლეთი თუ რუსეთი. ამ რეფრენდუმით საქართველოს მოსახლეობა კიდევ ერთხელ დაამტკიცებს თავის დასავლურ არჩევანს და ხელისუფლებას მოუწევს ვადამდელი არჩევნების დანიშვნა",- განაცხადა უდუმაშვილმა.

მან განმარტა, თუ რის გამო არ აწერდა 5 თვე "ნაციონალური მოძრაობა" შეთანხმების დოკუმენტს ხელს.

"ჩვენ გვქონდა მიზეზი, თუ რატომ არ ვაწერდით ამ დოკუმენტს ხელს და ამის გამეორება საჭირო არ არის, თუმცა, მას შემდეგ, რაც "ქართულმა ოცნებამ" თქვა, რომ ის თითქოს აღარ აპირებდა ვადამდელი არჩევნებსის დანიშვნას არც ერთ შემთხვევაში, ასევე, ბოლო პერიოდის განმავლობაში დიდი კითხვის ნიშნის ქვეშ დადგა ჩვენი ქვეყნის ევროპული მომავალი, პირდაპირი თავდასხმები, როგორც ჩვენს საერთაშორისო პარტნიორებზე, ასევე ყველა იმ ადამიანზე, რომელიც დღეს გამოთქვამს "ქართული ოცნების" მიმართ კრიტიკას, პირდაპირ მიანიშნებს, რომ "ქართულმა ოცნებამ" აირჩია რუსული ვექტორი და სწორედ რუსული ვექტორი არის ახლა მისი მთავარი მიზანი. ამას არ დაუშვებს არც ოპოზიცია, არც საზოგადოება, რომელმაც ერთხელ უკვე გააკეთა თავისი არჩევანი და რეფერენდუმით დაამტკიცა, რომ ამ ქვეყნის მომავალი ევროპული ოჯახია და ამ რეფერენდუმზე ჩვენი მოსახლეობა კიდევ ერთხელ დაამტკიცებს ამას",- განაცხადა უდუმაშვილმა.

(ipn)

შეაფასეთ
სტატიის ავტორიხუმაია მამედოვი

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →