—

ზაზა ვაშაყმაძე აზერბაიჯანის დიასპორასთან მუშაობის სახელმწიფო კომიტეტის თავმჯდომარის პირველ მოადგილეს შეხვდა

153
ზაზა ვაშაყმაძე აზერბაიჯანის დიასპორასთან მუშაობის სახელმწიფო კომიტეტის თავმჯდომარის პირველ მოადგილეს შეხვდა
მოსასმენად დააჭირეთ

რელიგიის საკითხთა სახელმწიფო სააგენტოს თავმჯდომარე ზაზა ვაშაყმაძე, თავმჯდომარის მოადგილე გიორგი უკლება და პროტოკოლის მენეჯერი გვანცა ცხოვრებაძე აზერბაიჯანის რესპუბლიკის დიასპორასთან მუშაობის სახელმწიფო კომიტეტის…

რელიგიის საკითხთა სახელმწიფო სააგენტოს თავმჯდომარე ზაზა ვაშაყმაძე, თავმჯდომარის მოადგილე გიორგი უკლება და პროტოკოლის მენეჯერი გვანცა ცხოვრებაძე აზერბაიჯანის რესპუბლიკის დიასპორასთან მუშაობის სახელმწიფო კომიტეტის თავმჯდომარის პირველ მოადგილეს, ვალეჰ ჰაჯიევს შეხვდნენ.

რელიგიის საკითხთა სახელმწიფო სააგენტოსც ცნობით, ვალეჰ ჰაჯიევმა დელეგაციის წევრებს გააცნო აზერბაიჯანის საზელმწიფოს პოლიტიკა დიასპორასთან ურთიერთობების საკითხებში და მადლიერება გამოხატა ქართული სახელმწიფოს მიმართ. მისი თქმით, საქართველოში ეთნიკური აზერბაიჯანელები თავს დაცულად და მშვიდად გრძნობენ, აქვთ მშობლიურ ენაზე განათლების, ინფორმაციის მიღების საშუალება, დაცულია მათი რელიგიური უფლებები, რის გამოც ისინი საქართველოს საკუთარ სამშობლოდ მიიჩნევენ.

თუმცა, ვალეჰ ჰაჯიევის აზრით, უკეთ ინტეგრირების მიზნით, სასურველია, საქართველოში მცხოვრებმა აზერბაიჯანელებმა მეტი ყურადღება დაუთმონ ქართული ენის შესწავლას.

„მან იმედი გამოთქვა, რომ საქართველო - აზერბაიჯანს შორის მეგობრობა სამომავლოდანაც გაგრძელდება და გამოხატა აზერბაიჯანის სახელმწიფოს ურყევი მხარდაჭერა საქართველოს სუვერენიტეტისა და ტერიტორიული მთლიანობის მიმართ.

რელიგიის სააგენტოს თავმჯდომარემ ხაზი გაუსვა ქართულ-აზერბაიჯანული ურთიერთობების მრავალხნიან ტრადიციას და აღნიშნა ქართული ისლამის უნიკალური ხასიათი, რის დასტურადაც შიიტთა და სუნიტთა ერთ მეჩეთში მსახურება დაასახელა. ზაზა ვაშაყმაძე დაინტერესდა აზერბაიჯანში მცხოვრები ეთნიკურად ქართველების უფლებების მდგომარეობით, მათი ეთნიკური, კულტურული და რელიგიური უფლებების თვალსაზრისით. რელიგიის სააგენტოს თავჯდომარემ, ვითარების უკეთ გასაცნობად, ადგილზე ჩასვლის სურვილი გამოთქვა.

შეხვედრას ესწრებოდნენ საქართველოს საგანგებო და სრულუფლებიანი ელჩი აზერბაიჯანის რესპუბლიკაში ზურაბ პატარაძე, ელჩის მრჩეველი გიორგი ბუაჩიძე, საქართველოში აზერბაიჯანის საელჩოს პირველი მდივანი ანარ რასულოვი და რელიგიური ასოციაციების სახელმწიფო კომიტეტის თანამშრომლები“,- აღნიშნულია რელიგიის საკითხთა სახელმწიფო სააგენტოს მიერ გავრცელებულ ინფორმაციაში.

შეაფასეთ
სტატიის ავტორიმარიამ ქველაძე

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →