—

ეკატერინე ტიკარაძე: თბილისსა და აჭარაში ინფექციის მატების გარკვეულ სტაბილიზაციას ვხედავთ, თუმცა არსებული მონაცემებით, სხვა რეგიონებში ჯერ ველოდებით აღმავალ ტალღას

49
ეკატერინე ტიკარაძე: თბილისსა და აჭარაში ინფექციის მატების გარკვეულ სტაბილიზაციას ვხედავთ, თუმცა არსებული მონაცემებით, სხვა რეგიონებში ჯერ ველოდებით აღმავალ ტალღას
მოსასმენად დააჭირეთ

თბილისსა და აჭარაში ინფექციის მატების გარკვეულ სტაბილიზაციას ვხედავთ, თუმცა არსებული მონაცემებით, სხვა რეგიონებში ჯერ ველოდებით აღმავალ ტალღას, - ამის შესახებ ჯანდაცვის მინისტრმა ეკატერინე ტიკარაძემ კახეთში განაცხადა…

თბილისსა და აჭარაში ინფექციის მატების გარკვეულ სტაბილიზაციას ვხედავთ, თუმცა არსებული მონაცემებით, სხვა რეგიონებში ჯერ ველოდებით აღმავალ ტალღას, - ამის შესახებ ჯანდაცვის მინისტრმა ეკატერინე ტიკარაძემ კახეთში განაცხადა, სადაც კორონავირუსის მართვაში ჩართული კლინიკების მენეჯმენტსა და ოჯახის ექიმებს შეხვდა.

მინისტრის ინფორმაციით, დღესვე კახეთში დაგეგმილია პედაგოგებთან, ასევე ჰოსპიტალური და ბიზნეს სექტორის წარმომადგენლებთან შეხვედრა.

„დავათვალიერეთ მობილური ამბულატორია, რომლითაც ძირითადად სოფლის მოსახლეობის ვაქცინაცია ხდება, რათა მაღალი ხელმისაწვდომობა იყოს. მობილურ ამბულატორიებში ყველა ტიპის ვაქცინაა ხელმისაწვდომი და ის, რომ ადამიანს არჩევნის საშუალება აქვს, მნიშვნელოვანია.

შემდეგ ყველაზე მნიშვნელოვანი საკითხია ჰოსპიტალური სექტორის გადატვირთვა, ვინაიდან დღეს ვხედავთ თბილისსა და აჭარაში ინფექციის მატების გარკვეულ სტაბილიზაციას, თუმცა არსებული მონაცემებით, სხვა რეგიონებში ჯერ ველოდებით აღმავალ ტალღას და მნიშვნელოვანი, რომ ჰოსპიტალური სექტორი იყოს მაქსიმალურად გაძლიერებული იმ რეგიონებში, სადაც აღმავალი ტალღაა მოსალოდნელი. ასეთი რეგიონია კახეთი. დაგეგმილი გვაქვს ჰოსპიტალურ სექტორთან შეხვედრა, რათა მათი მხრიდან იყოს ყველა ის საჭირო ინფრასტრუქტურული რესურსი მობილიზებული, რათა მოხდეს ჰოსპიტალში პაციენტების დროული გადაყვანა. ასევე ოჯახის ექიმებთან შეხვედრაა დაგეგმილი, რათა საინფორმაციო კამპანია მაქსიმალურად უზრუნველყოფილი იყოს.

ასევე მნიშვნელოვანია სწავლის დაწყებისთვის პედაგოგების მაქსიმალურად ვაქცინაცია და დღეს, ასევე დაგეგმილია პედაგოგებთან შეხვედრა იმისთვის, რომ მათი მოტივაცია იყოს გაზრდილი და პასუხი გაეცეს ყველა იმ კითხვაზე, რომელიც პედაგოგებში არსებობს ვაქცინის საჭიროებასა და უსაფრთოებასთან დაკავშირებით, ასევე იმაზე, რა დაცვის მექანიზმებს უზრუნველყოფს ვაქცინაცია.

შემდეგი და ბოლო შეხვედრა გაიმართება ბიზნეს-სექტორთან, ვინაიდან კახეთში მაღალი აქტივობააა როგორც სასტუმრო და სარესტორნო სექტორში, ასევე ეტაპობრივად იწყება სხვადასხვა სეზონური სამუშაო, სადაც საქართველოს სხვადასხვა რეგიონიდან სამუშაო ძალების მიგრაცია ხდება და მნიშვნელოვანია, ყველა სექტორში იყოს ხელშეწყობილი ვაქცინაცია. ყველა ეს საკითხი განიხილება და ყველა ეს პროცესი დაიგეგმება“, - განაცხადა ტიკარაძემ.

tv imedi

შეაფასეთ
სტატიის ავტორიმარიამ ქველაძე

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →