—

ადგილობრივები მარნეულში მომხდარი მკვლელობის დეტალებზე საუბრობენ

21
ადგილობრივები მარნეულში მომხდარი მკვლელობის დეტალებზე საუბრობენ
მოსასმენად დააჭირეთ

მარნეულის მუნიციპალიტეტის სოფელ ზემო სარალში მცხოვრებლები, ახალგაზრდა მამაკაცის მიერ ყოფილი ცოლისა და სიმამრის მკვლელობის, ასევე, სიდედრისა და ცოლის ძმის დაჭრის ფაქტთან დაკავშირებულ დეტალებზე საუბრობენ.

კერძოდ, როგორც „ინტერპრესნიუსს“ სოფლის მცხოვრებლებმა განუცხადეს, ახალგაზრდა ქალს ყოფილ მეუღლესთან კონფლიქტი ჰქონდა.

„კონფლიქტი აქამდეც ჰქონდათ, რის გამოც 2-3 თვის წინ დაშორდნენ. ბიჭმა ცოლ-შვილი მიატოვა. უფროსი ბავშვი პირველ კლასშია, დანარჩენები უფრო პატარები არიან. დამნაშავე სამაგალითოდ უნდა დაისაჯოს, რათა ასეთი სისასტიკე აღარ განმეორდეს“, - აცხადებენ სოფელში.

ამასთან, კიდევ ერთი მეზობლის თქმით, პირი, რომელმაც დანაშაული ჩაიდინა, იარაღის საყიდლად თბილისში იმყოფებოდა.

"როგორც ამბობენ, დამნაშავე ცეცხლსასროლი იარაღის საყიდლად თბილისში სპეციალურად იყო ჩასული. სოფელში დაბრუნებისთანავე, საღამოს სახლში ამოვიდა და ოჯახის წევრების მიმართულებით 8 ტყვია გაისროლა. ყოფილი ცოლი და სიმამრი ადგილზე გარდაიცვალნენ, ხოლო ცოლის ძმა და სიდედრი საავადმყოფოში გადაიყვანეს. დაზიანება ფეხების არეში ბავშვებმაც მიიღეს, თუმცა ამის დეტალები ჩემთვის უცნობია.

კონფლიქტის მიზეზი ჩემთვის ცნობილი არ არის. სავარაუდოდ, უთანხმოება მოხდა ყოფით, ოჯახურ ნიადაგზე, რასაც ეს სისასტიკე მოჰყვა", - აღნიშნა კიდევ ერთმა მეზობელმა.

შეგახსენებთ, რომ მამაკაცმა ყოფილი ცოლი, 27 წლის ქალი და სიმამრი ცეცხლსასროლი იარაღით მოკლა, გარდაცვლილის ძმა და სიდედრი კი მძიმედ დაჭრა. დაშავებულები საავადმყოფოში არიან გადაყვანილი.

მოკლულ ქალს 3 არასრულწლოვანი შვილი დარჩა.

შსს-ს ინფორმაციით, მამაკაცი უკვე დაკავებულია.

(interpressnews.ge)

შეაფასეთ
სტატიის ავტორიInterPress

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →