—

ირაკლი ღარიბაშვილი - პირობას ვაძლევ ყველას, რომ ეს გაუგებრობა ჩვენს მთავარ სტრატეგიულ პარტნიორთან აუცილებლად აღმოიფხვრება

23
ირაკლი ღარიბაშვილი - პირობას ვაძლევ ყველას, რომ ეს გაუგებრობა ჩვენს მთავარ სტრატეგიულ პარტნიორთან აუცილებლად აღმოიფხვრება
მოსასმენად დააჭირეთ

ვაძლევ პირობას ყველას, რომ ეს გაუგებრობა ჩვენს მთავარ სტრატეგიულ პარტნიორთან აუცილებლად აღმოიფხვრება და ყველა კითხვას გავცემთ პასუხს, – ამის შესახებ საქართველოს პრემიერ-მინისტრმა, ირაკლი ღარიბაშვილმა ჟურნალისტებს…

ვაძლევ პირობას ყველას, რომ ეს გაუგებრობა ჩვენს მთავარ სტრატეგიულ პარტნიორთან აუცილებლად აღმოიფხვრება და ყველა კითხვას გავცემთ პასუხს, – ამის შესახებ საქართველოს პრემიერ-მინისტრმა, ირაკლი ღარიბაშვილმა ჟურნალისტებს განუცხადა.

მან კომენტარი გააკეთა საქართველოს პარლამენტის მიერ უზენაესი სასამართლოს მოსამართლეების დანიშვნასთან დაკავშირებით აშშ-ის სახელმწიფო დეპარტამენტის, სახელმწიფო მდივნისა და საქართველოში აშშ-ის საელჩოს განცხადებებთან დაკავშირებით.

მისი თქმით, საკითხზე საჭიროა მეტი კომუნიკაცია, მეტი ურთიერთობა და მეტი ახსნა-განმარტება.

„უკმაყოფილება არის გამოხატული სასამართლოსთან მიმართებაში, მოსამართლეების დანიშვნასთან დაკავშირებით და ასე შემდეგ. ჩვენმა ხელისუფლება, როცა მოვედით ხელისუფლებაში 2012 წელს გავაკეთეთ, ძალიან დიდი რეფორმა საქართველოში, რომლის შედეგადაც, ძალიან დიდი პროგრესი იყო მიღწეული სასამართლოში. 2012 წლამდე სასამართლო იყო პროკურატურის ჩვეულებრივი დანაყოფი. სამწუხაროდ, არ მომისმენია არასდროს, არც ამერიკის, არც ევროპის კრიტიკული შენიშვნა იმდროინდელ სასამართლოს მიმართ, რაც თქმა უნდა, სამწუხაროა და არ არის სამართლიანი. მეორეს მხრივ, ამ პროცესს ვაგრძელებთ. განვაცხადეთ, რომ ვაგრძელებთ სასამართლოს ფართომასშტაბიან რეფორმას, რომელიც არის განგრძობითი პროცესი. არ ვამბობთ, რომ ვართ იდეალური და უშეცდომონი, მაგრამ ეს არის პროცესი. რაც გავაკეთეთ რვა წელში, არის როგორც დღე და ღამე. იყო ღამე, გახდა დღე, ნათელი. ამასთან, სასამართლოს დამოუკიდებლობის, გამჭვირვალობის კუთხით ვუსწრებთ ევროკავშირის ძალიან ბევრ ქვეყანას. ჩვენი მოქალაქეების მხრიდან სასამართლოს ნდობის მხრივ ვართ მოწინავე რიგებში ევროკავშირის მასშტაბით. ვიღაცას შეიძლება ჰქონდეს, რამე კითხვა და რაღაც გაუგებრობა შეიქმნას. ვაძლევ პირობას ყველას, რომ ეს გაუგებრობა ჩვენს მთავარ სტრატეგიულ პარტნიორთან აუცილებლად აღმოიფხვრება და ყველა კითხვას გავცემთ პასუხს. საჭიროა მეტი კომუნიკაცია, მეტი ურთიერთობა და მეტი ახსნა-განმარტება“, – განაცხადა ირაკლი ღარიბაშვილმა.

(1tv)

შეაფასეთ
სტატიის ავტორიხუმაია მამედოვი

სიახლეები

თბილისში მომხდარ ტრაგედიასთან დაკავშირებით პირველი სამძიმარი აზერბაიჯანიდან – აზერბაიჯანის საგარეო საქმეთა სამინისტრო სამძიმარს აცხადებსმიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესყველა სიახლე →