—

პარლამენტი ცესკო-ს თავმჯდომარეობის კანდიდატების განხილვას იწყებს

16
პარლამენტი ცესკო-ს თავმჯდომარეობის კანდიდატების განხილვას იწყებს
მოსასმენად დააჭირეთ

პარლამენტი ცესკო-ს თავმჯდომარეობის კანდიდატების განხილვას იწყებს. პრეზიდენტის მიერ პარლამენტისთვის წარდგენილი ორი კანდიდატის საკომიტეტო მოსმენა დღეს იურიდიულ კომიტეტზე იგეგმება.

წარდგენილი კანდიდატები – გიორგი კალანდარიშვილი და გიორგი სანტურიანი ცენტრალური საარჩევნო კომისიის თანამშრომლები არიან. ოპოზიციური პარტიები წარდგენილ კანდიდატებს სწორედ ამ არგუმენტით უცხადებენ უნდობლობას.

„წარმოდგენილ კანდიდატებს ჩვენ მხარს არ დავუჭერთ იმ მარტივი მიზეზის გამო, რომ ისინი წარმოდგენილნი არიან თვითონ სისტემის მიერ და ვერ მოხდა ფართო კონსენსუსის გზით ცესკო-ს თავმჯდომარეობის კანდიდატის წარმოდგენა, თუმცა ამ ადამიანებს არ ვიცნობ და ახლა მათ პროფესიონალიზმში შეიძლება, ეჭვი არც შევიტანო, რადგან დიდი ხანია, მუშაობენ, მაგრამ მნიშვნელოვანია, რომ ცესკო-ს თავმჯდომარე იყოს ადამიანი, ვის მიმართაც იქნება ფართო საზოგადოებრივი და ფართო პოლიტიკური კონსენსუსი”, – განაცხადა პარლამენტის ვიცე-სპიკერმა, ლევან იოსელიანმა.

მმართველ გუნდში კი აცხადებენ, რომ შესარჩევი კონკურსი გამჭირვალედ და ობიექტურად წარიმართა. „ქართული ოცნების“ წევრები ამბობენ, რომ გასაუბრების პროცესი საქართველოს პარლამენტშიც გამჭირვალე იქნება.

„იურიდიულ საკითხთა კომიტეტში უზრუნველყოფილი იქნება გასაუბრების პროცესის გამჭირვალობა და ინკლუზიური სტანდარტის წარმართვა. ჩვენთვის მნიშვნელოვანი იქნება თითოეული კანდიდატის კომპეტენცია და გამოცდილება საარჩევნო ადმინისტრირების თვალსაზრისით, ასევე თანამედროვე სტანდარტებთან მათი სიახლოვე და განსაკუთრებით საინტერესო იქნება, როგორ ხედავენ, რომ შეზღუდული შესაძლებლობის მქონე ამომრჩევლისთვის საარჩევნო პროცესებში თანაბარი პირობები იყოს უზრუნველყოფილი”, – განაცხადა უმრავლესობის წევრმა, რატი იონათამიშვილმა.

(1tv)

შეაფასეთ
სტატიის ავტორიხუმაია მამედოვი

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →