—

ამირან გამყრელიძე - საკოორდინაციო საბჭოს სხდომაზე ჩვენი რეკომენდაცია იყო, რომ ზაფხულის პერიოდში კონფერენციებზე, შეკრებებზე მხოლოდ ორჯერადად აცრილი ადამიანები დაუშვან

38
ამირან გამყრელიძე - საკოორდინაციო საბჭოს სხდომაზე ჩვენი რეკომენდაცია იყო, რომ ზაფხულის პერიოდში კონფერენციებზე, შეკრებებზე მხოლოდ ორჯერადად აცრილი ადამიანები დაუშვან
მოსასმენად დააჭირეთ

დაავადებათა კონტროლის ეროვნული ცენტრის ხელმძღვანელის ამირან გამყრელიძის განცხადებით, კორონავირუსის შემთხვევების ზრდა ახალი შტამების ხარჯზეა. მისივე თქმით, მთლიანად ევროპაში ინდური შტამის ცირკულაცია თანდათან ანაცვლებს…

დაავადებათა კონტროლის ეროვნული ცენტრის ხელმძღვანელის ამირან გამყრელიძის განცხადებით, კორონავირუსის შემთხვევების ზრდა ახალი შტამების ხარჯზეა. მისივე თქმით, მთლიანად ევროპაში ინდური შტამის ცირკულაცია თანდათან ანაცვლებს ბრიტანული შტამის ცირკულაციას.

გამყრელიძე ამბობს, რომ ამ ფონზე ეპიდემიოლოგიური მდგომარეობის გაუარესების რისკები სერიოზულია, რის გამოც აუცილებელია სიფრთხილის დაცვა.

როგორც გამყრელიძემ განაცხადა, საკოორდინაციო საბჭოზე წევრებს გააცნეს რეკომენდაცია, რომ ზაფხულის პერიოდში კონფერენციებზე, შეკრებებზე მხოლოდ ორჯერადად აცრილი ადამიანები დაუშვან.

„რა თქმა უნდა, ეპიდემიოლოგიური რისკები სერიოზულია. მოგეხსენებათ, კორონავირუსის ახალი შემთხვევების ზრდა ახალი შტამების ხარჯზეა. მთლიანად ევროპაში ინდური შტამის ცირკულაცია თანდათან ანაცვლებს ბრიტანული შტამის ცირკულაციას. როგორც არის პროგნოზი, დაახლოებით აგვისტოს შუა რიცხვებში თითქმის სრულად ჩაანაცვლებს ბრიტანულ შტამს. ამიტომ, უნდა ვიყოთ ძალიან ფრთხილად.

დღეს ჩვენი ერთ-ერთი რეკომენდაცია იყო, რომ ამ ზაფხულს კონფერენციები, შეკრებები თუ იქნება, იქ მხოლოდ ორჯერადად აცრილი ადამიანები დაუშვან. ასევე სასტუმრო რომ უსაფრთხო იყოს, აუცილებელია, სასტუმროს პერსონალი ორჯერადად იყოს აცრილი, სასტუმროს ტერიტორიაზე, სადაც ტარდება შეკრება, კონფერენცია, აუცილებლად ორჯერადად აცრილი ადამიანები იყვნენ. დღეს ვირუსის გავრცელების შეკავების მთავარი გზა გადის ვაქცინაციაზე. თუ გვინდა, რომ ვითარება არ გართულდეს, მაქსიმალურად უნდა აიცრას მოსახლეობა, დღეს ქვეყანაში ვაქცინის დეფიციტი არ არსებობს“, – განაცხადა ამირან გამყრელიძემ.

(1tv)

შეაფასეთ
სტატიის ავტორიხუმაია მამედოვი

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →