—

ეკატერინე ტიკარაძის განცხადებით, ვაქცინების მილიონი დოზა ქვეყანას საშუალებას მისცემს, „პანდემიას ვაქცინაციით ეფექტურად ებრძოლოს“

26
ეკატერინე ტიკარაძის განცხადებით, ვაქცინების მილიონი დოზა ქვეყანას საშუალებას მისცემს, „პანდემიას ვაქცინაციით ეფექტურად ებრძოლოს“
მოსასმენად დააჭირეთ

ჯანდაცვის მინისტრის ეკატერინე ტიკარაძის განცხადებით, ქვეყანას ვაქცინების მილიონი დოზის არსებობა საშუალებას მისცემს, პანდემიას ვაქცინაციით ეფექტურად ებრძოლოს. როგორც მან ბრიფინგზე განმარტა, ვაქცინებით ნაკადების უწყვეტი…

ჯანდაცვის მინისტრის ეკატერინე ტიკარაძის განცხადებით, ქვეყანას ვაქცინების მილიონი დოზის არსებობა საშუალებას მისცემს, პანდემიას ვაქცინაციით ეფექტურად ებრძოლოს. როგორც მან ბრიფინგზე განმარტა, ვაქცინებით ნაკადების უწყვეტი მომარაგება იქნება საქართველოს ყველა რეგიონში, მათ შორის ტურისტულ ადგილებში.

„კიდევ ერთხელ მინდა აღვნიშნო, შემდეგი ეტაპი, რომელიც დღესდღეობით იწყება კოვიდ პანდემიასთან ბრძოლაში, ეს არის ერთ-ერთი ყველაზე მნიშვნელოვანი ფაზა, რომლითაც ჩვენ ნამდვილად შეგვიძლია, მოვახდინოთ გარდატეხა და დავამარცხოთ მსოფლიოსთან ერთად პანდემიის ეს ვერაგი და ცუდი ზეგავლენა.

მნიშვნელოვანია, აღვნიშნოთ, რომ ძალიან აქტიური და კეთილსაიმედოა ჩვენი კოლეგების ჩართულობა კერძო სექტორის მხრიდან, ისინი სრულ მზადყოფნაში იმყოფებიან, როგორც პრემიერმა მოგახსენათ, 350-მდე ბრიგადა არის დღესდღეობით უკვე მობილიზებული მთელი საქართველოს მასშტაბით, ვითვალისწინებთ იმას, რომ დედაქალაქში საკმაოდ მაღალი აქტივობა იყო, მაგრამ ზაფხულის პერიოდში ტურისტული მიგრაციიდან გამომდინარე, ეს აქტივობა შეიძლება გადანაცვლებული იყოს სხვადასხვა ტურისტულ რეგიონში, მობილიზებული გვქონდეს იქაც ბრიგადების შესაბამისი რაოდენობა, რათა მოხდეს ნაკადების უწყვეტი ვაქცინებით მომარაგება. სწორედ ამ სტრატეგიას მივყვებით. ასევე საკმაოდ მაღალი მობილიზაცია იქნება აჭარის, გურიის რეგიონში და სხვა ადგილებში, სადაც შიდა ტურიზმის მაღალ მატებას ველოდებით“, - განაცხადა ტიკარაძემ.

მისი თქმით, უწყება აქტიურად მუშაობს იმისთვის, რომ მოქალაქეებს ვაქცინაციის რეგისტრაციის პროცესში შეფერხება არ შეექმნათ.

მისი განმარტებით, მოქალაქებს ასევე საშუალება ექნებათ, ვაქცინაციასთან დაკავშირებით ყველა კითხვაზე პასუხი მიიღონ.

ცნობისთვის, „სინოფარმისა“ და „სინოვაკის“ ვაქცინების მილიონი დოზა უკვე საქართველოშია და 5 ივლისიდან მასობრივი ვაქცინაცია იწყება.

ipn.ge

შეაფასეთ
სტატიის ავტორიაიდა რუსთამოვა

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →