—

მომხმარებლებისთვის ელექტროენერგიის მიმწოდებელი კომპანიები იცვლება

148
მომხმარებლებისთვის ელექტროენერგიის მიმწოდებელი კომპანიები იცვლება
მოსასმენად დააჭირეთ

ენერგოომბუდსმენ სალომე ვარდიაშვილის განცხადებით, 1-ელი ივლისიდან მომხმარებლებისთვის ელექტროენერგიის მიმწოდებელი კომპანიები იცვლება, თუმცა, ეს ტარიფის ზრდას არ გამოიწვევს. როგორც მან მედიაჰოლდინგ „კვირის“ პრესკლუბში…

ენერგოომბუდსმენ სალომე ვარდიაშვილის განცხადებით, 1-ელი ივლისიდან მომხმარებლებისთვის ელექტროენერგიის მიმწოდებელი კომპანიები იცვლება, თუმცა, ეს ტარიფის ზრდას არ გამოიწვევს. როგორც მან მედიაჰოლდინგ „კვირის“ პრესკლუბში განაცხადა, თბილისის მოსახლეობას „თელასის“ ნაცვლად ელექტროენერგიას მიაწვდის „თბილისის ელექტრომიმწოდებელი კომპანია“ (თელმიკო), ხოლო რეგიონის მოსახლეობას „ენერგო-პრო ჯორჯიას“ ნაცვლად „ეპ ჯორჯია მიწოდება“ მოემსახურება.

„ამ ეტაპზე ტარიფების ზრდა არ იქნება, ეს არანაირი ხარჯი არ იქნება მომხმარებლისთვის. ამას ვერც მოვიწონებთ და ვერც დავთანხმდებით. ამ ეტაპზე იცვლება მხოლოდ და მხოლოდ კომპანიის დასახელება. შეიცვლება კონკრეტული პროცედურები, გვექნება სირთულეები, მაგრამ ტარიფის ზრდა და რაიმე სახით მატერიალურ-ეკონომიკური თვალსაზრისით მომხმარებლებზე ასახვა არ იქნება“,-განაცხადა ვარდიაშვილმა.

მისი შეფასებით, აღნიშნული ცვლილება მორგებულია მოსახლეობის ინტერესს და მხოლოდ და მხოლოდ დადებით ეფექტს მოიტანს მომხმარებლებისთვის.

„ჩვენ გვეყოლება ახალი მიმწოდებლები, რაც იმას ნიშნავს, რომ ქსელური საქმიანობა და მიწოდების საქმიანობა ელექტროენერგეტიკაში ერთმანეთს გაემიჯნება. აქამდე ჩვენ გვყავდა სრული მონოპოლისტები, რომლებიც ახორციელებდნენ როგორც ქსელურ საქმიანობას განაწილების თვალსაზრისით, ასევე მიწოდების საქმიანობას. 1-ელი ივლისიდან ქსელური საქმიანობა გაემიჯნება მიწოდებას და წესით, ბაზარზე გაჩნდებიან სხვა მიმწოდებლებიც, რომლებიც ერთმანეთთან კონკურენციაში შევლენ. მონოპოლისტური საქმიანობა ყოველთვის უარესია, ვიდრე კონკურენტული. ამიტომ, ჩვენ ყოველთვის ვამბობდით, რომ უკეთესი იყო ენერგეტიკის სექტორში ყოფილიყო რაღაც ტიპის კონკურენცია და მომხმარებელს არჩევანის გაკეთება შეძლებოდა, ხოლო კომპანიები დაინტერესებული ყოფილიყვნენ საუკეთესო მომსახურების მისაწოდებლად. ეს ცვლილება მორგებულია მოსახლეობის ინტერესს და მხოლოდ და მხოლოდ დადებით ეფექტს მოიტანს მომხმარებლისთვის. შესაბამისად, ასეთი ტიპის ცვლილებას დადებითად ვაფასებ. სრულად ვარ ამ პროცესში ჩართული და ვიცი, რომ პროცესი მარტივი არ იქნება. იქნება გაუგებრობები და შეკითხვები. შესაბამისად, ჩვენი სამსახური მომზადებულია იმისთვის, რომ ამ პერიოდში მაქსიმალურად ვიმუშავოთ“,-განაცხადა ვარდიაშვილმა.

(ipn)

შეაფასეთ
სტატიის ავტორიხუმაია მამედოვი

სიახლეები

თბილისში მომხდარ ტრაგედიასთან დაკავშირებით პირველი სამძიმარი აზერბაიჯანიდან – აზერბაიჯანის საგარეო საქმეთა სამინისტრო სამძიმარს აცხადებსმიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესყველა სიახლე →