—

ნათია თურნავა - ალბათ, დადგება მომენტი, როცა ვიმსჯელებთ ღამის შეზღუდვის გაუქმებაზე - ნელ-ნელა აქეთ მივდივართ

24
ნათია თურნავა - ალბათ, დადგება მომენტი, როცა ვიმსჯელებთ ღამის შეზღუდვის გაუქმებაზე - ნელ-ნელა აქეთ მივდივართ
მოსასმენად დააჭირეთ

ეკონომიკის მინისტრის, ნათია თურნავას განცხადებით, შესაძლოა, უახლოეს პერიოდში დადგეს დრო, როდესაც ე.წ. კომენდანტის საათი საერთოდ გაუქმდეს, თუმცა, როგორც მან მთავრობის სხდომის დასრულების შემდეგ, ბრიფინგზე განმარტა, ამ…

ეკონომიკის მინისტრის, ნათია თურნავას განცხადებით, შესაძლოა, უახლოეს პერიოდში დადგეს დრო, როდესაც ე.წ. კომენდანტის საათი საერთოდ გაუქმდეს, თუმცა, როგორც მან მთავრობის სხდომის დასრულების შემდეგ, ბრიფინგზე განმარტა, ამ ეტაპზე მთავრობის მიერ მიღებული გადაწყვეტილება ეპიდვითარებიდან გამომდინარე არის, რადგან პანდემია არ დამარცხებულა.

“როგორც ეკონომიკის მინისტრი, ყოველთვის მომხრე ვარ ლიბერალიზაციის, მაგრამ საბოლოოდ, ჩვენ ვიღებთ დაბალანსებულ გადაწყვეტილებას. არ დაგვავიწყდეს, რომ პანდემია ჯერ არ დაგვიმარცხებია. რეალურად, ჩვენი ჯანდაცვის სექტორის, ჯანდაცვის სამინისტროს და მთლიანად ჩვენი საექიმო კორპუსის დიდი დამსახურებაა, დღეს რომ გახსნას ვახერხებთ ისე, რომ ეპიდემიოლოგიური ფონი არ უარესდება, ამას ვმართავთ, მაგრამ ეს დასაფასებელი და შესანარჩუნებელია.

საქართველო ძალიან მიმზიდველი ტურისტული ადგილია, მაგრამ მცირე ქვეყანაა. დღეს რასაც ვუყურებთ, ტურისტების ქცევა შეიცვალა, უფრო ხანგრძლივი დროით შემოდიან და ეს გასაგებიცაა, რადგან გარკვეულ სირთულეებთან არის დაკავშირებული საზღვრების გადმოლახვა. აქედან გამომდინარე, უფრო ხანგრძლივი დროით შემოსული ტურისტი ცდილობს, რომ მაქსიმალურად ყველა რეგიონი მოიაროს. ჩვენ გვინდა, რომ უნიფიცირებული, ერთიანი წესი დავახვედროთ. ალბათ, დადგება ის მომენტი, როდესაც ჩვენ ვიმსჯელებთ ღამის შეზღუდვის გაუქმებაზე. იცით, რომ ეტაპობრივად ვამცირებთ დროს, მგონი ნელ-ნელა იქეთკენ მივდივართ, მაგრამ ჯერ ახალი გახსნილია სახმელეთო საზღვარი. რამდენიმე კვირა უნდა დავაკვირდეთ”, - განაცხადა თურნავამ.

(ipn)

შეაფასეთ
სტატიის ავტორიხუმაია მამედოვი

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →