—

31 ოქტომბრის არჩევნების შედეგების შემსწავლელმა საგამოძიებო კომისიამ საარჩევნო უბნების გადათვლა დაიწყო

22
31 ოქტომბრის არჩევნების შედეგების შემსწავლელმა საგამოძიებო კომისიამ საარჩევნო უბნების გადათვლა დაიწყო
მოსასმენად დააჭირეთ

31 ოქტომბრის არჩევნების შედეგების შემსწავლელმა დროებითმა საგამოძიებო კომისიამ საარჩევნო უბნების გადათვლა დაიწყო. ამ მიზნით, შემთხვევით შერჩევის პრინციპით, შერჩეულია 20 უბანი, რომელსაც პარლამენტის საგამოძიებო კომისია…

31 ოქტომბრის არჩევნების შედეგების შემსწავლელმა დროებითმა საგამოძიებო კომისიამ საარჩევნო უბნების გადათვლა დაიწყო. ამ მიზნით, შემთხვევით შერჩევის პრინციპით, შერჩეულია 20 უბანი, რომელსაც პარლამენტის საგამოძიებო კომისია გადათვლის.

როგორც კომისიის თავმჯდომარემ, დეპუტატმა გივი მიქანაძემ განმარტა, შეირჩა 12 პროფესიონალი მთვლელი, რომელიც ორ ჯგუფად არის გაყოფილი. თითო ოთახში, 6 პროფესიონალი მთვლელი გადათვლას კომისიის ორი წევრის მეთვალყურეობის ქვეშ ახორციელებს. მიქანაძის თქმით, კომისიის წევრები საერთოდ არ იქნებიან კონტაქტში იმ ბიულეტენებთან და იმ დახურულ ყუთებთან, რომელიც ცესკომ გადასათვლელად წარმოადგინა.

"ჩვენ ჯერ არ ვიცით რამდენი დღე და რამდენი დრო დასჭირდება პროცესს, მაგრამ ჩვენთვის მთავარი არის, რომ პროცესი ხარისხიანდ და აუჩქარებლად წარიმართოს, იყოს მაქსიმალური ღიაობა და გამჭვირვალობა უზრუნველყოფილი. პროცესს თავიდან ბოლომდე პროფესიონალი მთვლელები წარმართავენ. მედიას ექნება სრული დაშვება მთელ ამ პროცესზე, ორივე ოთახში. ამავდროულად, იქნება მუდმივი სტრიმი. სტრიმი არ გაითიშება მაშინაც კი, როდესაც ერთსაათიანი შესვენება გამოცხადდება 13-დან 14 საათამდე, ასევე ღამის საათებში. იმ უბნის ბიულეტენები, რომლის გადათვლაც მოხდება, კვლავ დაილუქება და გადათვლილი უბნის მასალებს ცენტრალურ საარჩევნო კომისიას დღესვე გავატანთ. მიუხედავად ამისა, ოთახები იქნება მუდმივად დალუქული, სტრიმი არ გაჩერდება ღამის საათებშიც. იქნება შუქი დატოვებული იმისთვის, რომ ნებისმიერ ადამიანს შეეძლოს თვალყური ადევნოს ღამის განმავლობაში ამ ოთახშები რა ხდება. თითოეულ ოთახთან იქნება განთავსებული სპეციალური დაცვის სამსახურის პოსტი, რომელიც უზრუნველყოფს, რომ ოთახებში არავინ არ შევიდეს", - განაცხადა გივი მიქანაძემ.

ipn.ge

შეაფასეთ
სტატიის ავტორიაიდა რუსთამოვა

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →