—

ამირან გამყრელიძე - შეზღუდვების სრულად შემსუბუქება ჯერჯერობით დაუშვებელია

20
ამირან გამყრელიძე -  შეზღუდვების სრულად შემსუბუქება ჯერჯერობით დაუშვებელია
მოსასმენად დააჭირეთ

დაავადებათა კონტროლის ეროვნული ცენტრის ხელმძღვანელი ამირან გამყრელიძე განმარტავს, საკოორდინაციო საბჭომ რის საფუძველზე მიიღო გადაწყვეტილება ქვეყანაში მოქმედი შეზღუდვების გარკვეულწილად შემსუბუქების შესახებ.

როგორც გამყრელიძე აცხადებს, ეპიდვითარებასთან ერთად, მნიშვნელოვანია მოსახლეობის განწყობის გათვალისწინებაც. სწორედ ამიტომ, გამყრელიძე მიიჩნევს, რომ შეზღუდვების ნაწილობრივ შემსუბუქებასთან დაკავშირებით ოქროს შუალედის მოძებნა შეძლეს.

„გარკვეულ შემსუბუქებებს რამდენიმე ფაქტორს ვუკავშირებთ. როგორც ჩვენი მონაცემებით, ისე ჯანმრთელობის გაზომვათა ინსტიტუტის პროგნოზით, ჩვენ ახლა გადავდივართ პიკს. გარკვეულად, დაღმავალ ფერდზე გავდივართ. მეორე, საზოგადოებაში არის სერიოზული ვნებათაღელვა ღამის კარანტინთან დაკავშირებით, მით უმეტეს მაისში, როცა უკვე სერიოზულად დათბა. ამიტომ, აქ ოქროს შუალედი უნდა ყოფილიყო მოძებნილი. ჯერჯერობით სრული შემსუბუქება დაუშვებელია, ვიდრე ეპიდსიტუაცია სერიოზულად არ დამშვიდდება, მეორე მხრივ, მნიშვნელოვანია გათვალისწინება მოსახლეობის განწყობის. ამიტომ ოქროს შუალედი მოიძებნა, შემცირდა გადაადგილებაზე შეზღუდვის ხანგრძლივობა. ასევე, დაავადებათა კონტროლის ეროვნული ცენტრის რეკომენდაცია იყო, რომ მეტად გამკაცრდეს კონტროლი, მონიტორინგი აღსრულებაზე. ასევე გამკაცრდეს მონიტორინგი იმ რეკომენდაციებზე, რაზეც მუდმივად ვსაუბრობთ“, – განაცხადა ამირან გამყრელიძემ.

(1tv)

შეაფასეთ
სტატიის ავტორიხუმაია მამედოვი

სიახლეები

თბილისში მომხდარ ტრაგედიასთან დაკავშირებით პირველი სამძიმარი აზერბაიჯანიდან – აზერბაიჯანის საგარეო საქმეთა სამინისტრო სამძიმარს აცხადებსმიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესყველა სიახლე →