—

ვახტანგ გომელაური - ქვეყნის მტრობაა, ვინც ამბობს, რომ დმანისში დაპირისპირება არის ეთნიკური საკითხი და უნდა, რომ გაღვივდეს, ამას არ დავუშვებთ

56
ვახტანგ გომელაური - ქვეყნის მტრობაა, ვინც ამბობს, რომ დმანისში დაპირისპირება არის ეთნიკური საკითხი და უნდა, რომ გაღვივდეს, ამას არ დავუშვებთ
მოსასმენად დააჭირეთ

საქართველოს შინაგან საქმეთა მინისტრი ვახტანგ გომელაური დმანისში მომხდარ დაპირისპირებასთან დაკავშირებით აცხადებს, რომ სრული სიმკაცრით დაისჯება ყველა, ვინც კანონი დაარღვია.

ამის შესახებ გომელაურმა დმანისში ჟურნალისტებს განუცხადა, რომელიც სახელმწიფო უსაფრთხოების სამსახურის ხელმძღვანელთან, გრიგოლ ლილუაშვილთან ერთად დღეს ჩავიდა.

„ძალიან სამწუხაროა, რაც მოხდა გუშინ. გუშინვე დავიწყეთ გამოძიება. მნიშვნელობა არ აქვს, ეს ადამიანი ვინ იქნება, ყველა დაისჯება სრული სიმკაცრით, ვინც დაარღვია კანონი. ეს არის ძალიან ცუდი ფაქტი. რატომღაც ვიღაცები ცდილობენ, არ მინდა, რომელიმე ძალები და ჯგუფები ვახსენო, ეთნიკურ დაპირისპირებაში გადაყვანის თემას.

აზერბაიჯანელები და ქართველები ჩვენი მოქალაქეები არიან. ერთად ცხოვრობენ საუკუნეების მანძილზე, ჩვენი ძმები არიან. ეს საკითხი, რა თქმა უნდა, არ უნდა გადაიზარდოს ეთნიკურ დაპირისპირებაში. ეთნიკურად აზერბაიჯანელები არიან, პირველ რიგში, ჩვენი მოქალაქეები, ამასთან, აზერბაიჯანი ჩვენი სტრატეგიული პარტნიორია, მოკავშირეა, მეზობელია და ჩვენი მეგობრები არიან. ეს არ უნდა დავუშვათ. ეს არის ქვეყნის მტრობა, ვინც ამბობს, რომ ეს არის ეთნიკური თემა და უნდა, რომ გაღვივდეს, გამწვავდეს. ამას არ დავუშვებთ“, – განაცხადა ვახტანგ გომელაურმა.

მინისტრის თქმით, გამოძიება დაწყებულია და ახლა რამდენიმე პირის გამოკითხვა მიმდინარეობს.

„ჯერ დაკავებას ვერ გიდასტურებთ. პროკურატურასთან ერთად ვმუშაობთ. გეთანხმებით, ცუდი სიტუაცია იყო, ხალხი შეიკრიბა ძალიან სწრაფად და სწრაფად შეიქმნა ქაოსური ვითარება. გუშინდელი დღის შემდეგ გაძლიერებული იყო პოლიცია, მეტი ძალები იყო შემოყვანილი, თუმცა ეს ძალები არ აღმოჩნდა საკმარისი ამ შემთხვევაში. 150 კაცამდე იყო. რეალურად, მშვიდობიან დროს თუ არის 20 კაცი, სამწუხაროდ, გაათმაგებული იყო. ვერ მოხდა ამხელა მასის კონტროლი და მოხდა დამატებითი ძალების შემოყვანა დმანისში. აქედან გამომდინარე, ვითარება განიმუხტა ამის შემდეგ. ამიტომ ვერ მოხდა უსწრაფესად ამ ადამიანების შეჩერება და კონფლიქტის შეჩერება“, – განაცხადა გომელაურმა.

(1tv)

შეაფასეთ
სტატიის ავტორიხუმაია მამედოვი

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →