—

ნიკა მელია - პარტიის ინტელექტისგან დაცლა რეალობისგან ძალიან შორსაა, ყველა ჩვენს პარტნიორს, კოლეგას ვთხოვ, ერთმანეთს თავს ნუ დავესხმებით

55
ნიკა მელია - პარტიის ინტელექტისგან დაცლა რეალობისგან ძალიან შორსაა, ყველა ჩვენს პარტნიორს, კოლეგას ვთხოვ, ერთმანეთს თავს ნუ დავესხმებით
მოსასმენად დააჭირეთ

„ნაციონალური მოძრაობის“ თავმჯდომარე ნიკა მელია აცხადებს, რომ არ ეთანხმება სალომე სამადაშვილის შეფასებას, რომელიც პარტიის ინტელექტისგან დაცლას ეხება.

„ნაციონალური მოძრაობის“ თავმჯდომარე ნიკა მელია აცხადებს, რომ არ ეთანხმება სალომე სამადაშვილის შეფასებას, რომელიც პარტიის ინტელექტისგან დაცლას ეხება.

ნიკა მელიას თქმით, გულდასაწყვეტია, რომ სამადაშვილის მხრიდან მსგავსი განცხადება გაკეთდა.

„სალომე სამადაშვილმა თუ თქვა, პარტია დაიცალა ინტელექტისგანო, ეს რეალობისგან ძალიან შორს არის, მე მას აბსოლუტურად არ ვეთანხმები. ეს არის პირიქით და ძალიან გული მწყდება, რომ მსგავსი განცხადება გაკეთდა. ამ ყველაფრის მიუხედავად, მე მას წარმატებას ვუსურვებ. მას აქვს თავისი არჩევანი და ლეგიტიმური უფლება, მიიღოს ის გადაწყეტილება, რა გადაწყეტილებაც მიიღო. მე უფლებას ვიტოვებ, ყველა ჩვენს პარტნიორს, ყველა კოლეგას ვთხოვო, რომ ერთმანეთს თავს ნუ დავესხმებით. ეს განცხადება არ ემსახურება ჩემი სურვილების აღსრულებას, რომ ერთმანეთს თავს არ დავესხათ, მინიმუმ ეს სიმართლეს არ შეესაბამება და ამით ბევრ ადამიანს ადგება შეურაცხოფა“, – აღნიშნა ნიკა მელიამ.

სალომე სამადაშვილმა სოციალურ ქსელში, კომენტარში დაწერა ერთ-ერთი მიზეზი, რატომაც არ აპირებს „ერთიან ნაციონალურ მოძრაობაში“ დარჩენას.

მისი განცხადებით, ინტელექტისგან დაცლილი პარტია, რაც უნდა გულმხურვალე მომხრეები ჰყავდეს, ვერ განვითარდება, თუმცა შესაძლოა, დარჩეს ყველაზე დიდ ოპოზიციურ პარტიად.

1tv.ge

შეაფასეთ
სტატიის ავტორიაიდა რუსთამოვა

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →