—

ილჰამ ალიევი: ჩვენმა ერთობლივმა პროექტებმა შეცვალა რეგიონის პოლიტიკური, ეკონომიკური, სატრანსპორტო და ენერგეტიკული რუკა

39
ილჰამ ალიევი: ჩვენმა ერთობლივმა პროექტებმა შეცვალა რეგიონის პოლიტიკური, ეკონომიკური, სატრანსპორტო და ენერგეტიკული რუკა
მოსასმენად დააჭირეთ

აზერბაიჯანელ და ქართველ ხალხებს შორის ურთიერთობა ემყარება მრავალწლიან ისტორიას, კეთილმეზობლობისა და მეგობრობის ისტორიას, რომელიც საუკუნეებს გრძელდება. ვფიქრობ, ეს არის ძალიან კარგი საფუძველი ჩვენი ამჟამინდელი…

აზერბაიჯანელ და ქართველ ხალხებს შორის ურთიერთობა ემყარება მრავალწლიან ისტორიას, კეთილმეზობლობისა და მეგობრობის ისტორიას, რომელიც საუკუნეებს გრძელდება. ვფიქრობ, ეს არის ძალიან კარგი საფუძველი ჩვენი ამჟამინდელი ურთიერთობების განვითარებისათვის, რაც აჩვენებს დიდ დინამიკას და, ფაქტობრივად, მოიცავს ბევრ სფეროს.

InterPress.ge იუწყება, რომ ამის შესახებ აზერბაიჯანის პრეზიდენტმა ილჰამ ალიევმა საქართველოს პრემიერ მინისტრთან ირაკლი ღარიბაშვილთან შეხვედრის დროს განაცხადა.

აზერბაიჯანის პრეზიდენტმა ორი ქვეყნის ენერგეტიკისა და სატრანსპორტო ერთობლივი პროექტების შეფასებისას თქვა:

”ამ პროექტებმა რეგიონის პოლიტიკური, ეკონომიკური, სატრანსპორტო და ენერგეტიკული რუკა შეცვალა. ჩვენს ქვეყნებს შორის ძლიერი პარტნიორობის გარეშე, ამ პროექტების განხორციელება შეუძლებელი იქნებოდა. გასული წლის ბოლო დღე იყო სამხრეთ გაზის დერეფნის პროექტის ბოლო დღე. ეს პროექტი მნიშვნელოვანია არა მხოლოდ სამხრეთ კავკასიის რეგიონისთვის, არამედ ფართო ევრაზიის რეგიონისთვის ზოგადი განვითარების, სტაბილურობის, პროგნოზირებისა და თანამშრომლობისთვის. ვიმეორებ, ეს შეუძლებელი იქნებოდა ჩვენი თანამშრომლობის გარეშე. ამიტომ, ღრმად მადლობელი ვარ საქართველოს მთავრობისთვის, რომელიც ამ მნიშვნელოვან პროექტს მხარს უჭერს. ყველა სხვა ინიციატივას, რომელიც ჩვენ ერთად დავიწყეთ, კარგი წარმატების ისტორიაა. დარწმუნებული ვარ, ასე იქნება მომავალშიც. ”

პრეზიდენტმა თქვა, რომ აზერბაიჯანი კვლავ რჩება ერთ-ერთი მსხვილი ინვესტორი საქართველოს ეკონომიკაში.

”ეს ასევე კარგი მაჩვენებელია თქვენი მთავრობის მიერ განხორციელებული რეფორმებისა, რომ შეიქმნას ძალიან პოზიტიური და ხელსაყრელი ინვესტიციური კლიმატი. მე ვიცი, რომ უფრო მეტ აზერბაიჯანულ კომპანიას სურს თქვენს ქვეყანაში მუშაობა და დარწმუნებული ვარ, ეს მოხდება“,- თქვა პრეზიდენტმა ილჰამ ალიევმა.

შეაფასეთ
სტატიის ავტორიაიდა რუსთამოვა

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →