—

თამარ გაბუნიას განცხადებით, ვაქცინირებული პირებისთვის გარკვეული სტიმულების დაწესება-შემოღებაზე საუბარი მას შემდეგ დაიწყება, რაც ფართომასშტაბიანი ვაქცინაცია იქნება

40
თამარ გაბუნიას განცხადებით, ვაქცინირებული პირებისთვის გარკვეული სტიმულების დაწესება-შემოღებაზე საუბარი მას შემდეგ დაიწყება, რაც ფართომასშტაბიანი ვაქცინაცია იქნება
მოსასმენად დააჭირეთ

ჯანდაცვის მინისტრის მოადგილის თამარ გაბუნიას განცხადებით, ვაქცინირებული პირებისთვის გარკვეული სტიმულების დაწესება/შემოღებაზე საუბარი მას შემდეგ დაიწყება, რაც ფართომასშტაბიანი ვაქცინაცია იქნება.

როგორც მან ჟურნალისტებს განუცხადა, ვაქცინაცია მთავარი იარაღია იმისთვის, რომ ეპიდემია დამარცხდეს.

„პოზიტიური ქცევის ჩამოყალიბება ძალიან მნიშვნელოვანია. გარკვეული სტიმულების დაწესება და შემოღება სრულად ვაქცინირებული პირებისთვის განიხილება. ეს შეიძლება იყოს შეზღუდვებისგან გათავისუფლება, გადაადგილების შეზღუდვის მოხსნა, მაგრამ ჯერჯერობით, კონკრეტული პაკეტი მზადდება და ამაზე ნაადრევია საუბარი. არის ასევე საუბარი ბიზნესის წახალისებაზე, რომ მათ შექმნან ეპიდემიოლოგიურად უსაფრთხო გარემო. მთავარი აქცენტი გადავა იმაზე, რომ მომხმარებელმა იცოდეს, კონკრეტული სასტუმრო ან რესტორანი არის დაკომპლექტებული ვაქცინირებული პირებით და იქ არის ეპიდემიოლოგიურად უსაფრთხო გარემო, მას მიენიჭოს ეპიდემიოლოგიურად უსაფრთხო სერტიფიკატი ან მსგავსი თვალსაჩინო ნიშანი. ჯერ ცოტა ადრეა, რადგან ჩვენ ვაქცინაციით მოსახლეობის მეტად ფართო მოცვა გვჭირდება, რათა ყველას ჰქონდეს არჩევანი და მარტივად ჩაიტაროს ვაქცინაცია. ალბათ, ეს უფრო ივლისის თვისკენ იქნება შესაძლებელი, როცა ჩვენ მოსახლეობის უფრო ფართო მოცვაზე გადავალთ. ასე რომ, როცა ფართომასშტაბიანი ვაქცინაცია დაიწყება, სტიმულებზე უფრო აქტიურად ვისაუბრებთ“, - განაცხადა გაბუნიამ.

(ipn)

შეაფასეთ
სტატიის ავტორიხუმაია მამედოვი

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →