—

ოპოზიციური პარტიები რეგიონებში გასვლას მიმდინარე კვირის ბოლოდან დაიწყებენ

43
ოპოზიციური პარტიები რეგიონებში გასვლას მიმდინარე კვირის ბოლოდან დაიწყებენ
მოსასმენად დააჭირეთ

ოპოზიციური პოლიტიკური პარტიების წარმომადგენლები რეგიონების მოსახლეობასთან შეხვედრებს, სავარაუდოდ, მიმდინარე კვირის ბოლოდან დაიწყებენ.

როგორც „ნაციონალური მოძრაობის“ წევრმა ზაალ უდუმაშვილმა „ინტერპრესნიუსს“ განუცხადა, 15 მაისის აქციის საორგანიზაციო შტაბი უკვე შექმნილია, თუმცა, ჯერჯერობით არ არის გადაწყვეტილი, რომელი რეგიონის მოსახლეობას შეხვდება პირველად ოპოზიცია.

„საორგანიზაციო შტაბი უკვე შექმნილია, სადაც ოპოზიციის ყველა წარმომადგენელია გაერთიანებული. ახლა მიმდინარეობს ლოჯისტიკური, საორგანიზაციო საკითხების დალაგება, რის შემდეგაც ჩვენ გავალთ რეგიონებში. ეს ალბათ, კიდევ რამდენიმე დღეს წაიღებს. ზუსტად ვერ გეტყვით, სავარაუდოდ, ამ კვირის ბოლოდან, ან მომდევნო კვირის დასაწყისს ეს არ გადასცდება. დრო ბევრი არ არის და ეს მაქსიმალურად უნდა გამოვიყენოთ იმისთვის, რომ რაც შეიძლება ბევრ ადამიანს შევხვდეთ მთელი ქვეყნის მასშტაბით. განიხილება ორი ვარიანტი, რომ ოპოზიციის ყველა წარმომადგენელი იყოს გარკვეულ რეგიონში შეხვედრებში და ასევე, შესაძლოა, რომ რეგიონების ნაწილში შეხვედრები ინდივიდუალურადაც გაიმართოს. სამუშაო გრაფიკი ახლა დგება, ვინ, სად და როდის უნდა წავიდეს. შესაბამისად, უახლოეს დღეებში ესეც გახდება ცნობილი. წინასწარ ვერ გეტყვით პირველი რომელი რეგიონი იქნება, სადაც შეხვედრა გაიმართება“, - განაცხადა უდუმაშვილმა.

რაც შეეხება გაუარესებული ეპიდისტუაციის ფონზე აქციის ჩატარების რისკებს, როგორც უდუმაშვილი ამბობს, თუ ხელისუფლება მაქსიმალურ ჩაკეტვებზე წავა, აქცია დაანონსებულ დროს მაინც გაიმართება.

„ბუნებრივია, თუ ხელისუფლება კიდევ წავა მაქსიმალურ ჩაკეტვებზე, რაც გულისხმობს საქალაქთაშორისო ტრანსპორტის გადაადგილების შეზღუდვას, ბუნებრივია, ეს პრობლემას შექმნის. ასე თუ მოხდება, ეს იქნება პოლიტიკური გადაწყვეტილება, დაუკავშირდება 15 მაისს და მას პანდემიასთან არანაირი კავშირი არ ექნება. ვიდრე ასეთი გადაწყვეტილება მიღებული არ არის, ჩვენ დრო მაინც უნდა გამოვიყენოთ. თუ ჩაკეტავენ, აქცია მაინც გაიმართება, მიუხედავად იმისა, დროში გადაიწევს თუ 15-ში იქნება. ხელისუფლება ტყუილად ცდილობს, რომ ამ აქციის გამართვას მანიპულაციებით ხელი შეუშალოს. აქცია მაინც გაიმართება, ნებისმიერ შემთხვევაში! ჯერჯერობით აქციის გადადება დღის წესრიგში არ დგას. 15 მაისი არის დაანონსებული თარიღი“, - განაცხადა უდუმაშვილმა.

ipn.ge

შეაფასეთ
სტატიის ავტორიაიდა რუსთამოვა

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →