—

ოპოზიცია გადაწყვეტილებას, გაიმართება თუ არა 20 მარტს დაგეგმილი აქცია, დღეს ან ხვალ მიიღებს

22
ოპოზიცია გადაწყვეტილებას, გაიმართება თუ არა 20 მარტს დაგეგმილი აქცია, დღეს ან ხვალ მიიღებს
მოსასმენად დააჭირეთ

ოპოზიციური პარტიები დღეს ან ხვალ გადაწყვეტენ, გამართავენ თუ არა 20 მარტს დაგეგმილ აქციას. ამის შესახებ „ნაციონალური მოძრაობის“ ერთ-ერთმა ლიდერმა ზაალ უდუმაშვილმა „ინტერპრესნიუსთან“ საუბრისას განაცხადა.

ოპოზიციური პარტიები დღეს ან ხვალ გადაწყვეტენ, გამართავენ თუ არა 20 მარტს დაგეგმილ აქციას. ამის შესახებ „ნაციონალური მოძრაობის“ ერთ-ერთმა ლიდერმა ზაალ უდუმაშვილმა „ინტერპრესნიუსთან“ საუბრისას განაცხადა.

მისივე შეფასებით, ხელისუფლებასა და ოპოზიციას შორის მოლაპარაკებების ფანჯარა არსებობს, თუმცა იმ შემთხვევაში, თუ შეთანხმება არ შედგა, პოლიტიკური პროცესები ქუჩაში გადაინაცვლებს.

„დღეს ან ხვალ შევიკრიბებით და გადავწყვეტთ, 20 მარტს დაგეგმილი აქცია გაიმართება თუ არა იმიტომ, რომ ძალიან ბევრი ფაქტორია, რომელიც უნდა გავითვალისწინოთ, მათ შორის, ის პროცესები, რომლებიც მიმდინარეობს თბილისში. არ ვიცით, როდის დასრულდება მოლაპარაკებების პროცესი და ეს შეიძლება ვადაში გაიწელოს, ამიტომ ჩვენ შევხედავთ დღევანდელ დღეს და შემდეგ მივიღებთ გადაწყვეტილებას 20 მარტის აქციასთან დაკავშირებით, გადაიდება თუ გაიმართება.

თუ შეთანხმება არ შედგა, მთელი პოლიტიკური პროცესები გადაინაცვლებს ქუჩაში. ჩვენ უარი ვთქვით საპარლამენტო მანდატებზე, უარი ვთქვით ძალიან მნიშვნელოვან პოლიტიკურ ტრიბუნებზე და ეს გავაკეთეთ შეგნებულად და შესაბამისად, როდესაც ჩვენ არ შევდივართ პარლამენტში, ბუნებრივია, ქუჩა ხდება მთავარი პოლიტიკური ეპიცენტრი.

მიუხედავად იმისა, რომ მხარეებს შორის პოზიციები ჯერჯერობით არის განსხვავებული, რაღაც საკითხებში ხდება პოზიციების დაახლოება, მაგრამ მოლაპარაკებები მიმდინარეობს მძიმედ, ეს არ არის იოლი და არც ელოდებოდა არავინ, რომ ეს იოლად მოხდებოდა. მიუხედავად იმისა, რომ ძალიან ხისტი განცხადებები გვესმის ხელისუფლებისგან, რომელიც მხოლოდ და მხოლოდ აზიანებს მოლაპარაკებების პროცესს და ხელს ნამდვილად არ უწყობს, მე ვფიქრობ, რომ მაინც არსებობს ის ფანჯარა, სადაც შეიძლება შედგეს მოლაპარაკებები, თუმცა ამას დაგვანახებს დღევანდელი დღე, რომელიც ალბათ, იქნება ძალიან მნიშვნელოვანი და გადამწყვეტი იმიტომ, რომ დღეს სავარაუდოდ, ის მნიშვნელოვანი საკითხები უნდა განიხილოს, რომელიც პრინციპულია ოპოზიციისათვის - ეს არის პოლიტპატიმრების გათავისუფლება და ვადამდელი არჩევნები. ამ შემთხვევაში ოპოზიციის პოზიცია სრულად ერთიანია იმიტომ, რომ თუ ეს ორი საკითხი არ იქნა შეთანხმებული არანაირი აზრი არ აქვს სხვა საკითხების შეთანხმებას“, - განაცხადა უდუმაშვილმა.

(ipn.ge)

შეაფასეთ
სტატიის ავტორიაიდა რუსთამოვა

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →