—

ეკატერინე ტიკარაძე - „ასტრაზენეკას“ ვაქცინის ხარისხსა და სანდოობასთან დაკავშირებით არანაირი კითხვა არ არსებობს

111
ეკატერინე ტიკარაძე - „ასტრაზენეკას“ ვაქცინის ხარისხსა და სანდოობასთან დაკავშირებით არანაირი კითხვა არ არსებობს
მოსასმენად დააჭირეთ

„ასტრაზენეკას“ ვაქცინის ხარისხსა და სანდოობასთან დაკავშირებით არანაირი კითხვა არ არსებობს, – ამის შესახებ ჯანდაცვის მინისტრმა, ეკატერინე ტიკარაძემ პრესკონფერენციაზე განაცხადა.

„ასტრაზენეკას“ ვაქცინის ხარისხსა და სანდოობასთან დაკავშირებით არანაირი კითხვა არ არსებობს, – ამის შესახებ ჯანდაცვის მინისტრმა, ეკატერინე ტიკარაძემ პრესკონფერენციაზე განაცხადა.

მისი თქმით, თითოეულ ვაქცინას მინიჭებული აქვს სერიული ნომერი და საქართველოში შემოსული ვაქცინის სერიულ ნომერთან დაკავშირებით კითხვები არ არსებობს.

„რაც შეეხება „ასტრაზენეკას“ შესახებ გავრცელებულ ინფორმაციებს, რა თქმა უნდა, ჩვენ გვქონდა ამასთან დაკავშირებით კომუნიკაცია, პირველ რიგში, ჯანდაცვის მსოფლიო ორგანიზაციასთან. მნიშვნელოვანია, აღინიშნოს, რომ ამ ვაქცინებს, ყველას აქვს სერიული ნომერი. საქართველოში შემოსულ სერიულ ნომერთან დაკავშირებით კითხვები არ არსებობს. თუმცა იმ შემთხვევაში, თუ ჯანდაცვის მსოფლიო ორგანიზაცია მიიღებს გადაწყვეტილებას, რომ ზოგადად მსოფლიოში უნდა შეჩერდეს „ასტრაზენეკათი” ვაქცინაცია, რა თქმა უნდა, საქართველოც შეაჩერებს. ამ ეტაპისთვის ეს რისკები არის გადაზღვეული და არანაირი კითხვა ამ ვაქცინის ხარისხსა და სანდოობასთან დაკავშირებით არ არსებობს“, – განაცხადა ტიკარაძემ.

მისივე თქმით, მიმდინარეობს ინტენსიური მუშაობა, რომ ქვეყანაში „ფაიზერის“ ვაქცინაც დაგეგმილზე ადრე შემოვიდეს.

„22 მარტის კვირაში ჩვენ ველოდებით „ფაიზერის“ ვაქცინის შემოსვლას. თუმცა ასევე გვაქვს ინფორმაცია, რომ „იუნისეფი“ და „კოვაქს“ პლატფორმა ინტენსიურად მუშაობენ, რათა შესაძლებელი გახდეს, უკვე დამდეგ კვირაში ვაქცინის შემოტანა. ეს ინფორმაცია თუ დადასტურდება, რა თქმა უნდა, ჩვენ ამას ნაადრევად გავავრცელებთ. სხვა მხრივ, მზაობა სრულად არის ქვეყანაში, რომ ჩვენ „ფაიზერის“ ვაქცინა მივიღოთ.

რაც შეეხება იმას, რომ ჩვენ ახლა ავცრით 43 200 ადამიანს, ხოლო შემდეგი პარტიით ისინი აიცრებიან უკვე მეორე დოზით, ამასთან დაკავშირებითაც რისკები ყველანაირად გადაზღვეულია. შემდეგი მოწოდება დაგეგმილია ოთხ კვირაში, ხოლო რევაქცინაციას ადამიანები საჭიროებენ რვიდან 12 კვირის მონაკვეთში“, – განაცხადა ტიკარაძემ.

(1tv)

შეაფასეთ
სტატიის ავტორიხუმაია მამედოვი

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →