—

ნათია თურნავა აშშ-ის საერთაშორისო განვითარების სააგენტოს ეკონომიკური უსაფრთხოების პროგრამის ხელმძღვანელ გუნდს შეხვდა

57
ნათია თურნავა აშშ-ის საერთაშორისო განვითარების სააგენტოს ეკონომიკური უსაფრთხოების პროგრამის ხელმძღვანელ გუნდს შეხვდა
მოსასმენად დააჭირეთ

ეკონომიკისა და მდგრადი განვითარების მინისტრი ნათია თურნავა USAID-ის ეკონომიკური უსაფრთხოების პროგრამის ხელმძღვანელ გუნდს შეხვდა.

სამინისტროს ინფორმაციით, შეხვედრის დროს საუბარი შეეხო პროგრამის ფარგლებში ბოლო დროს განხორციელებულ და მიმდინარე პროექტებს, ასევე, განიხილეს სამომავლოდ დაგეგმილი პროექტები.

შეხვედრას ესწრებოდნენ USAID – ის ეკონომიკური ზრდის ოფისის დირექტორი მარიკა ოლსონი, ეკონომიკისა და მდგრადი განვითარების მინისტრის მოადგილე ირაკლი ნადარეიშვილი, აგრეთვე სსიპ-ების – სააგენტოს „აწარმოე საქართველოში“ და ტურიზმის ეროვნული ადმინისტრაციის ხელმძღვანელი პირები.

ეკონომიკისა და მდგრადი განვითარების მინისტრმა ნათია თურნავამ მადლობა გადაუხადა აშშ-ის მთავრობასა და მის ხალხს, რომლებიც USAID-ის, კონკრეტულად კი, ეკონომიკური უსაფრთხოების პროგრამის მეშვეობით ხელს უწყობს საქართველოს ეკონომიკის განვითარებას და განსაკუთრებით, პანდემიით გამოწვეული გამოწვევების დაძლევას.

„შეხვედრაზე USAID-ის ეკონომიკური უსაფრთხოების პროგრამის ხელმძღვანელმა მარკ მაკორდმა მინისტრს გააცნო პროგრამის მიერ გაწეული საქმიანობა. ყურადღება გამახვილდა სამინისტროს სისტემაში შემავალ სააგენტოებთან თანამშრომლობის ფარგლებში განხორციელებულ პროექტებზე, რომლებიც მოიცავს ისეთ სექტორებს, როგორიცაა ტურიზმი, მსუბუქი მრეწველობა, ინოვაციები და სხვ. ხაზი გაესვა პოსტ-პანდემიურ პერიოდში ტურიზმის ხელშეწყობის მნიშვნელობას და ამ მიმართულებით თანამშრომლობას. ასევე ყურადღება გამახვილდა საქართველოს ეკონომიკის სხვადასხვა სექტორებში ინვესტიციების მოზიდვის, სტარტაპების მხარდაჭერისა და მცირე და საშუალო მეწარმეობის ხელშეწყობის მიმართულებებზე“, – ნათქვამია სამინისტროს ინფორმაციაში.

„აშშ დაინტერესებულია ინვესტიციების ხელშეწყობით იმ სხვადასხვა სექტორში, რომლებიც მნიშვნელოვანია ეკონომიკისა და მდგრადი განვითარების სამინისტროსთვის – ეს სექტორებია ენერგეტიკა, ტურიზმი და სხვ. ჩვენ ვთანამშრომლობთ სამინისტროში შემავალ ორგანიზაციებთან, სააგენტოსთან „აწარმოე საქართველოში“, ინოვაციებისა და ტექნოლოგიების სააგენტოსთან, ტურიზმის ეროვნულ ადმინისტრაციასთან და სხვ. დღეს ჩვენ ვისაუბრეთ ეკონომიკური უსაფრთხოების პროგრამაზე და ნამდვილად ველით დიდ შედეგებს, მათ შორის მაღალკვალიფიციური, ხარისხიანი ტურიზმის დაბრუნებას, რათა ეკონომიკა მართლაც განვითარდეს როგორც თბილისში, ასევე სოფლად“, – განაცხადა Usaid-ის ეკონომიკური ზრდის ოფისის დირექტორმა მარიკა ოლსონმა.

(1TV)

შეაფასეთ
სტატიის ავტორიInterPress

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →