—

მაია ცქიტიშვილი - ყველა დაწესებული შეზღუდვა ვირუსის მართვისა და გავრცელების შეკავებისთვის აუცილებელია

31
მაია ცქიტიშვილი - ყველა დაწესებული შეზღუდვა ვირუსის მართვისა და გავრცელების შეკავებისთვის აუცილებელია
მოსასმენად დააჭირეთ

რეგიონული განვითარებისა და ინფრასტრუქტურის მინისტრის, მაია ცქიტიშვილის განცხადებით, მმართველ გუნდს ქვეყანაში შექმნილი ფსიქოლოგიური ფონის კარგად ესმის, მაგრამ ყველა დაწესებული შეზღუდვა ვირუსის მართვისა და გავრცელების…

რეგიონული განვითარებისა და ინფრასტრუქტურის მინისტრის, მაია ცქიტიშვილის განცხადებით, მმართველ გუნდს ქვეყანაში შექმნილი ფსიქოლოგიური ფონის კარგად ესმის, მაგრამ ყველა დაწესებული შეზღუდვა ვირუსის მართვისა და გავრცელების შეკავებისთვის აუცილებელია.

ცქიტიშვილის განმარტებით, შეზღუდვების დაწესება არაპოპულარული ნაბიჯია, თუმცა მათი შემსუბუქება და ეკონომიკის ფუნქციონირება მოქალაქეების ჯანმრთელობისა და მით უმეტეს სიცოცხლის ხარჯზე ვერ მოხდება.

“ჩვენს მოსახლეობას ძალიან აინტერესებს შეზღუდვების შემსუბუქების დაჩქარება და კარგად გვესმის ყველას, რომ ყველა ტიპის შეზღუდვას დიდი გავლენა აქვს მოქალაქეების როგორც ეკონომიკურ აქტივობაზე, ასევე, რა თქმა უნდა, ზოგადად ფსიქოლოგიურ ფონზე, მაგრამ ასევე უნდა გვესმოდეს, რომ ყველა დაწესებული შეზღუდვა აუცილებელია ვირუსის მართვისა და მისი გავრცელების შეკავებისთვის.

შეზღუდვების დაწესება არაპოპულარული ნაბიჯია, თუმცა მათი შემსუბუქება და ეკონომიკის ფუნქციონირება ვერ მოხდება მოქალაქეების ჯანმრთელობისა და მით უმეტეს სიცოცხლის ხარჯზე.

მაშინაც კი როდესაც ამ შეზღუდვების შემოღებაზე ვმსჯელობდით, ვამბობდით, რომ შემსუბუქება დაიწყება ეპიდემიოლოგიური ვითარების გაუმჯობესების მიხედვით. დღეს როდესაც უკვე 2 თვე გავიდა შეზღუდვების დაწესების დღიდან, ჩვენ გვაქვს დღეში უკვე 10 -ჯერ უფრო ნაკლები შემთხვევა და დადებითობის მაჩვენებელი 7 დღის განმავლობაში უკვე 4%-ზე ნაკლებია. ეს არის ძალიან კარგი შედეგი თუმცა არ ნიშნავს ეპიდემიის დასრულებას და რა თქმა უნდა, ყველა შეზღუდვის შემსუბუქებას თავისთავად ახლავს ეპიდემიის გავრცელების რისკიც“, - განაცხადა მაია ცქიტიშვილმა.

(ipn)

შეაფასეთ
სტატიის ავტორიხუმაია მამედოვი

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →