—

გიორგი გახარია - თავი შევიკავოთ ნებისმიერი ნაბიჯისგან, რამაც შესაძლოა, დავით გარეჯის საკითხის პოლიტიზებას შეუწყოს ხელი, როგორც გარეჯის მომავალს, ისე აზერბაიჯანთან ურთიერთობას უნდა გავუფრთხილდეთ

10
გიორგი გახარია - თავი შევიკავოთ ნებისმიერი ნაბიჯისგან, რამაც შესაძლოა, დავით გარეჯის საკითხის პოლიტიზებას შეუწყოს ხელი, როგორც გარეჯის მომავალს, ისე აზერბაიჯანთან ურთიერთობას უნდა გავუფრთხილდეთ
მოსასმენად დააჭირეთ

საქართველოს პრემიერ-მინისტრის გიორგი გახარიას განცხადებით, დავით გარეჯის საკითხის პოლიტიზება ქვეყნისთვის უაღრესად მაღალი რისკის შემცველია.

მისივე თქმით, ყველამ უნდა გამოიჩინოს პასუხისმგებლობა და აღნიშნულ საქმეზე საგამოძიებო პროცესებს დაელოდოს.

„არაერთხელ მითქვამს და კიდევ ერთხელ გავიმეორებ, დავით გარეჯის საკითხის ნებისმიერი სახით, ნებისმიერი მხარის მიერ პოლიტიზება, არის უაღრესად მაღალი რისკის შემცველი ჩვენი ქვყენისთვის, რადგან ეს იმდენად სენსიტიური საკითხია, რომ ყველას უნდა გვეყოს პასუხისმგებლობა და დაველოდოთ იმ საგამოძიებო პროცესებს, რომლებიც მიმდინარეობს.

ყველას, აბსოლუტურად ყველას, აქ ვერ გამოვყოფ ვერავის. საერთო ეროვნული მიდგომა უნდა იყოს ეს, საერთო სახელმწიფოებრივი მიდგომა. ჩვენ ყველამ თავი უნდა შევიკავოთ ნებისმიერი ნაბიჯის, სიტყვისგან, რამაც თეორიულადაც კი შეიძლება დავით გარეჯის საკითხის პოლიტიზებას შეუწყოს ხელი.

ჩვენ უნდა გავუფრთხილდეთ გარეჯის მომავალსაც და ჩვენს სტრატეგიულ პარტნირებთან, აზერბაიჯანთან ურთიერთობასაც. ყველას კარგად უნდა გვესმოდეს, რომ ეს არის უაღრესად სენსიტიური საკითხი. თითოეულ სიტყვას აქვს არა მხოლოდ პოლიტიკური, სოციალური ან ისტორიული მნიშვნელობა, მას პირდაპირი მნიშვნელობა ექნება იმ პროცესებზე, რომელიც პრაქტიკული მნიშვნელობისაა“, – განაცხადა გიორგი გახარიამ.

(1tv)

შეაფასეთ
სტატიის ავტორიInterPress

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →