—

საქართველოში აზერბაიჯანის ელჩი ფაიგ გულიევი ლევან დავითაშვილს შეხვდა

21
საქართველოში აზერბაიჯანის ელჩი ფაიგ გულიევი ლევან დავითაშვილს შეხვდა
მოსასმენად დააჭირეთ

საქართველოში აზერბაიჯანის რესპუბლიკის საგანგებო და სრულუფლებიანი ელჩი ფაიგ გულიევი საქართველოს გარემოს დაცვისა და სოფლის მეურნეობის მინისტრს ლევან დავითაშვილს შეხვდა.

მხარეებმა შეხვედრის მიმდინარეობისას ორ ქვეყანას შორის სოფლის მეურნეობის, სურსათის უვნებლობისა და გარემოს დაცვის სფეროში მჭიდრო თანამშრომლობის დამყარებისა და ამ მიმართულებით ახალი პროექტების განხორციელების მიზნით, ორმხრივი ვიზიტების მნიშვნელობას გაუსვეს ხაზი.

მხარეებმა ორმხრივ სავაჭრო საქმიანობაში არანავთობპროდუქტების წილის გაზრდის შესაძლებლობასა და სოფლის მეურნეობის პროდუქტების წარმოება/გადამუშავების საკითხებსა და ამ სფეროში ინვესტიციების წახალისების შესაძლებლობაზეც ისაუბრეს.

ამავე დროს, მხარეებმა გაცვალეს მოსაზრებები კავკასიის რეგიონში ველური ბუნების აღდგენისა და ბიომრავალფეროვნების დაცვის, ტრანსსასაზღვრო მდინარეების, მათ შორის მდინარე მტკვრის ეფექტურ გამოყენებასა და ამ სფეროში სამართლებრივი ჩარჩოს გაუმჯობესების საკითხებზეც.

საელჩოს განცხადებაში აღნიშნულია, რომ მხარეებმა კმაყოფილება გამოხატეს SOCAR-ის მიერ საქართველოში სოციალურ-ეკონომიკურ სფეროში განხორციელებული პროექტების მიმართ, რომელიც COVID-19-ის პანდემიის დროს ადგილობრივი ფერმერების დასახმარებლად განხორციელდა, მათ შორის აგროდიზელის პროექტთან დაკავშირებით.

მხარეებმა ასევე გაცვალეს მოსაზრებები საქართველოში განხორციელებულ მიწის რეფორმებზე, მათ შორის ტყის კოდექსში შესატან ცვლილებებზეც.

საქართველოში აზერბაიჯანის რესპუბლიკის საელჩოს განცხადებაში აღნიშნულია, რომ სოფლის მეურნეობასა და გარემოს დაცვის სფეროში, მათ შორის თხილის წარმოებასა და სხვა სფეროებში აზერბაიჯანს, თურქეთსა და საქართველოს შორის სამმხრივი თანამშრომლობის დიდი პოტენციალი არსებობს და მრავალი მნიშვნელოვანი პროექტი ხორციელდება.

შეაფასეთ
სტატიის ავტორიInterPress

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →