—

14 იანვარს საქართველოს სახელმწიფო დროშის დღე აღინიშნება

14
14 იანვარს საქართველოს სახელმწიფო დროშის დღე აღინიშნება
მოსასმენად დააჭირეთ

დღეს საქართველოს სახელმწიფო დროშის დღეა. ქვეყნის ერთ-ერთი მთავარი სიმბოლოს, ეროვნული დროშის დღე 2012 წლიდან სახალხოდ აღინიშნება.

საქართველოს სახელმწიფოს ხუთჯვრიანი დროშა 2004 წლის 14 იანვარს აღდგა. ჰერალდიკის სახელმწიფო საბჭოს თავმჯდომარის მოადგილის, მამუკა გონგაძის განცხადებით, ეროვნულ დროშას დიდი ხნის ისტორია აქვს. ჰერალდიკის სახელმწიფო საბჭო მოქალაქეებს მოუწოდებს, პატივის მიგების ნიშნად, სახელმწიფო დროშები საკუთარი სახლების სახურავებზე აღმართონ და აივნებიდან გადმოფინონ.

„საქართველოს სახელმწიფოს დღევანდელ მოქმედ დროშას ძალიან დიდი ისტორია აქვს. შეიძლება ითქვას, რომ ევროპაში ერთ-ერთი უძველესი დროშა გახლავთ. ის დაფიქსირებულია საქართველოს ძალიან ბევრ პორტოლანზე. პორტოლანი ეს გახლავთ საზღვაო რუკები და არსებობს კიდევ სხვა წყაროები. ხუთჯვრიანი დროშა დღეს სეკულარული სიმბოლო არის ჩვენთვის, ვინაიდან მას საფუძვლები გააჩნია, ხოლო ამ დროშაზე თავისი სემანტიკით, მნიშვნელობით გამოსახულია მაცხოვარი და ოთხი აპოსტილი, რომელიც ქვეყნიერებას ამცნობს მის მოვლინებას დედამიწაზე. ეს არის მისი ჰერალდიკური, მეცნიერული განმარტება. საკმაოდ დიდი შრომაა ჩადებული, ვიდრე ეს დროშა დამტკიცდებოდა. არსებობდა პრეზიდენტთან არსებული კომისია. ჯერ კიდევ ედუარდ შევარდნაძის დროს დაიწყო სახელმწიფო კომისიამ მუშაობა. 1999 წელს მიიღო პარლამენტმა დადგენილება, რომლის მიხედვითაც, უნდა აღმდგარიყო ისტორიული სიმბოლოები, მათ შორის ხუთჯვრიანი დროშაც. საბოლოო, დღევანდელი სახე მან მიიღო 2004 წელს, ხოლო 2017 წელს ის განმტკიცდა კონსტიტუციის მიხედვით და განმტკიცდა მისი სამართლებრივი საფუძვლები. პანდემიიდან გამომდინარე აქტიურობა არ გვაქვს დაგეგმილი. ჩვენ ყოველთვის მოვუწოდებთ მოსახლეობას, რომ ამ დღეს გადმოფენილი იქნას დროშები შენობებზე, აივნებზე. ყველამ, როგორც შეუძლიათ, ოღონდ ღირსებითა და პატივით უნდა იყოს მოპყრობილი დროშის მიმართ“, – განაცხადა ჰერალდიკის სახელმწიფო საბჭოს თავმჯდომარის მოადგილე მამუკა გონგაძემ.

პანდემიის გამო სახელმწიფო დროშის დღესთან დაკავშირებით მასშტაბური ღონისძიებები დაგეგმილი არ არის, თუმცა ქალაქ თბილისის მუნიციპალიტეტის საკრებულოს ინიციატივით, ტრადიციულად თბილისის საკრებულოს ისტორიული აივნებიდან 12:00 საათზე სახელმწიფო დროშები გადმოიფინება. ღონისძიებაში მონაწილეობას საკრებულოს წევრები მიიღებენ.

შეაფასეთ
სტატიის ავტორიხუმაია მამედოვი

სიახლეები

თბილისში მომხდარ ტრაგედიასთან დაკავშირებით პირველი სამძიმარი აზერბაიჯანიდან – აზერბაიჯანის საგარეო საქმეთა სამინისტრო სამძიმარს აცხადებსმიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესყველა სიახლე →