—

პაატა იმნაძე - ყველაფერი მიანიშნებს იმაზე, რომ მოსახლეობა ახალ წელს მაქსიმალურად თავშეკავებულად შეხვდა - ძალიან მიხარია ეს, არ ჩანს დრამატული მატება

23
პაატა იმნაძე - ყველაფერი მიანიშნებს იმაზე, რომ მოსახლეობა ახალ წელს მაქსიმალურად თავშეკავებულად შეხვდა - ძალიან მიხარია ეს, არ ჩანს დრამატული მატება
მოსასმენად დააჭირეთ

დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელის მოადგილის, პაატა იმნაძის განცხადებით, ყველაფერი მიანიშნებს იმაზე, რომ მოსახლეობა ახალი წლის ზეიმებს მაქსიმალურად თავშეკავებულად შეხვდა.

როგორც იმნაძემ მთავრობის ადმინისტრაციაში უწყებათაშორისი საკოორდინაციო საბჭოს სხდომის დასრულების შემდეგ განაცხადა, კორონავირუსის შემთხვევების დრამატული მატება არ ჩანს.

„გასაგებია, როცა არის სადღესასწაულო დღეები, შაბათი, კვირა, იმ დღეს ნაკლებად მიდიან ადამიანები გასატესტად. ბოლო ერთი კვირის მონაცემები არ არის საგანგაშო, მაგრამ ზუსტად ამის შესახებ შეგვეძლება ვთქვა ამ კვირის ბოლოს. თუმცა, ყველაფერი მიანიშნებს იმაზე, რომ მაქსიმალურად თავშეკავებულად შეხვდა ჩვენი მოსახლეობა ახალი წლის ზეიმებს. ძალიან მიხარია ეს. არ ჩანს ძალიან დრამატული მატება. თუმცა, თავისთავად, გაიხსენეთ სექტემბერი, როცა 1800-ზე ავედით რა ხდებოდა. ახლა 1800-ზე რომ ჩამოვედით, გვიხარია. ყველაფერი შედარებითია, მაგრამ ახლა არ გვინდა ისევ 5 ათასს დავუბრუნდეთ. თავისთავად, 1600-1800 არ არის ის რაოდენობა, რომ დავმშვიდდეთ, ყველაფერი გავხსნათ და დავუბრუნდეთ 5 ათასიან მონაცემს დღეში“, - განაცხადა იმნაძემ.

რაც შეეხება კორონავირუსის მესამე ტალღას, როგორც იმნაძემ აღნიშნა, სავარაუდოდ, თებერვლის ბოლოდან დაიწყება.

„მესამე ტალღაა ძალიან ბევრ ქვეყანაში. როცა ჩვენზე წერთ ხოლმე, სხვა ქვეყნების მონაცემები ნახეთ და შეგვადარეთ. ძალიან სიფრთხილით ვეკიდებით გახსნის საკითხს. ვცდილობთ მესამე ტალღა ისევე ავიცილოთ თავიდან, რომელიც, სამწუხაროდ, ბევრ ქვეყანაშია, როგორც მოვახერხეთ და პრაქტიკულად პირველი ტალღა ავიცილეთ თავიდან. იმედია, გამოგვივა. თებერვლის ბოლოდან შესაძლებელია დაიწყოს. მაგრამ იმედია ისე მოვიქცევით, [რომ ეს არ მოხდეს]. შეზღუდვები რა არის? - როცა არ ვიქცევით კარგად, ვიღაცამ უნდა შეგვზღუდოს, რომ მერე წესები დავიცვათ. თუ ჩვენ ყველა დავიცავთ წესებს, იმედი მაქვს, მესამე ტალღა არ იქნება ჩვენთვის ძალიან დამანგრეველი“, - განაცხადა იმნაძემ.

(ipn)

შეაფასეთ
სტატიის ავტორიხუმაია მამედოვი

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →