—

პაატა იმნაძე - მაქსიმუმ ზეგ გვექნება პასუხი, არის თუ არა საქართველოში კორონავირუსის ახალი შტამი

20
პაატა იმნაძე - მაქსიმუმ ზეგ გვექნება პასუხი, არის თუ არა საქართველოში კორონავირუსის ახალი შტამი
მოსასმენად დააჭირეთ

დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორის მოადგილის პაატა იმნაძის განცხადებით, არის თუ არა საქართველოში კორონავირუსის ახალი შტამი მაქსიმუმ ზეგ გახდება ცნობილი. როგორც იმნაძემ…

დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორის მოადგილის პაატა იმნაძის განცხადებით, არის თუ არა საქართველოში კორონავირუსის ახალი შტამი მაქსიმუმ ზეგ გახდება ცნობილი. როგორც იმნაძემ „პალიტრანიუსის“ გადაცემა „360 გრადუსში“ განაცხადა, საეჭვო ნიმუშების ანალიზი ამ მომენტშიც მიმდინარეობს.

„დაწყებულია უკვე გენეტიკური სეკვენირება, გენეტიკური ანალიზი, მანქანა ახლაც მუშაობს, ღამეც, ხვალაც გააგრძელებს მუშაობას და ზეგ, ალბათ, უკვე გვექნება საეჭვო რომ ვთქვით რამდენიმე შემთხვევა, იმ ნიმუშებზე პასუხი. გენეტიკური თანმიმდევრობის დადგენა მიმდინარეობს ჩვენთან და მაქსიმუმ ზეგ გვექნება პასუხი არის თუ არა ჩვენთან ქვეყანაში ახალი შტამი.

დანარჩენი, თავის დაცვის საშუალებები, დამერწმუნეთ, იგივეა, ეს არის დისტანციის დაცვა და პირბადე,“- განაცხადა პაატა იმნაძემ.

მისივე თქმით, ვირუსის გავრცელების მიმართულებით საკმაოდ დადებითი დინამიკაა, იმ შემთხვევაში თუ ახალი წლის ღამე დარღვევებისა და სახიფათო თავყრილობების გარეშე ჩაივლის.

„დაავადების გავრცელების დინამიკა, ჩვენ პროგნოზებით, საკმაოდ დამაიმედებელი შეიძლება გვქონდეს, თუ ახალი წლის ღამემ ჩვენი იმედები არ გააწბილა. დღეს რასაც ვუყურებ და რა ინფორმაციაც მაქვს, მოლებში დაცულია დისტანციაც, პირბადის ტარებაც, ასე რომ, ძალიან დიდ გართულებებს არ უნდა ველოდოთ მოლებიდან და სხვადასხვა სავაჭრო წერტილებიდან, მაგრამ ახალი წლის ღამე ძალიან მაშინებს, როგორ გავივლით ამ პერიოდს. ყველა პროგნოზი ისეთია, რომ ჩვენ უნდა ვაკონტროლოთ კარგად სიტუაცია უკვე იანვრის მეორე ნახევარში და არცერთი ჩარევა სახელმწიფოს არ დასჭირდება და რაღაც შეზღუდვების დაწესება თუ თითოეული ჩვენგანი მაქსიმალურად ყველგან, სადაც ეს საჭიროა, იქნება პირბადით, დაიცავს დისტანციას, მოერიდება თავყრილობებს,“- განაცხადა პაატა იმნაძემ.

(ipn)

შეაფასეთ
სტატიის ავტორიხუმაია მამედოვი

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →