—

Marneulidə OXU Olimpiadasının qalibləri mükafatlandırılıb

44
Marneulidə OXU Olimpiadasının qalibləri mükafatlandırılıb
Dinləmək üçün basın
Marneulidə OXU Olimpiadasının “Payız semestri” üzrə qaliblərinin mükafatlandırılması mərasimi keçirilib. Tədbirdə müxtəlif siniflər üzrə gürcü dili, ingilis dili və riyaziyyat fənlərində yüksək nəticə göstərən şagirdlərə diplom, medal və hədiyyələr təqdim olunub.
InterPress.ge xəbər verir ki, mükafatlandırma mərasimində hər sinif və fənn üzrə I və II yerləri tutan iştirakçılar diplom və medallarla təltif ediliblər. Bununla yanaşı, hər fənn üzrə ən yüksək bal toplayan şagirdlərə xüsusi hədiyyələr verilib.
Olimpiadanın nəticələrinə əsasən, gürcü dili üzrə III sinif şagirdi Gülsüm Vəliyeva və IX sinif şagirdi Nəzrin Həsənova 100 bal toplayaraq maksimum nəticə göstəriblər. İngilis dili fənni üzrə IV sinif şagirdi Amir Əliyev 95 bal, riyaziyyat üzrə isə X sinif şagirdi Gülay Məmmədova 95 bal toplayaraq müvafiq fənlər üzrə ən yüksək nəticəyə nail olublar.
Tədbirdə OXU Təhsil Mərkəzinin direktoru Murad Muradov və İnkişaf və Təhsil Mərkəzinin direktoru Emin Əhmədov çıxış ediblər. Onlar şagirdlərin təhsil nailiyyətlərinin qiymətləndirilməsinin, bilik yarışlarının təşkilinin və gənclərin inkişafına dəstək göstərilməsinin vacibliyindən danışıblar.
Mərasimdə Böyük Muğanlı İctimai Məktəbinin direktoru Musa Yusifli də xüsusi olaraq təltif olunub. Məktəbin şagirdlərinin olimpiadada fəal iştirakına, eləcə də gənclərin təhsilinə və inkişafına göstərdiyi dəstəyə görə ona xüsusi plaket təqdim edilib.
Qeyd edək ki, OXU Olimpiadası şagirdlərin bilik və bacarıqlarını nümayiş etdirməsi, özlərini sınaması və təhsilə maraqlarının artırılması məqsədilə təşkil olunur. “Payız semestri” bu istiqamətdə keçirilən növbəti bilik yarışı olub.
Xəbəri qiymətləndir

Son xəbərlər

Poniçalada baş verən partlayışda ölənlərin sayı artıbKaxa Kaladze Poniçaladakı hadisə ilə bağlı: Binanın yalnız iki girişində problem var, qalan hissəsi yaşayış üçün yararlıdırPoniçalada xilasedicilər dağıntılar altından azyaşlı uşağı sağ çıxarıblarGia Abaşidze: “Xilasedicilər dağıntılar altında insanları axtararkən, ailələr yaxınlarının taleyi barədə xəbər gözləyir, ‘vətənsiz’ ‘millilər’ isə bu faciədən öz 28 noyabr biabırçı yürüşlərinin reklamTornike Çeişvili Konstitusiya Məhkəməsində Navtlugi xüsusi əməliyyatı, Tsindeliani və Kardava işlərini xatırladıbSon xəbərlərə bax →