—

თურქეთმა წლის პირველ ნახევარში 25 მილიონზე მეტი საერთაშორისო ვიზიტორი მიიღო

216
თურქეთმა წლის პირველ ნახევარში 25 მილიონზე მეტი საერთაშორისო ვიზიტორი მიიღო
მოსასმენად დააჭირეთ

თურქეთის კულტურისა და ტურიზმის მინისტრმა, მეჰმეთ ნური ერსოიმ, 31 ივლისს სტამბოლში გამართულ პრესკონფერენციაზე წლის პირველი ნახევრის ტურიზმის შედეგები გამოაცხადა თურქეთში. 2026 წლის პირველი 6 თვის განმავლობაში თურქეთმა 25,8 მილიონი საერთაშორისო ვიზიტორი მიიღო. ამრიგად, თურქეთის ტურიზმიდან მიღებული შემოსავალი გასული წლის დონეზე დარჩა და სულ 25,8 მილიარდი აშშ დოლარი შეადგინა.

თურქეთის კულტურისა და ტურიზმის მინისტრი -„ახლო აღმოსავლეთში რეგიონულმა დაძაბულობამ და გლობალურმა გაურკვევლობამ გავლენა მოახდინა ტურიზმის მოთხოვნაზე 2026 წლის პირველ ნახევარში. მიუხედავად იმისა, რომ თურქეთი კონფლიქტში არ იყო ჩართული და ჩვენი ყველა ავიაკომპანია და აეროპორტი შეუფერხებლად აგრძელებდა ფუნქციონირებას, ახლო აღმოსავლეთის საჰაერო სივრცის დახურვამ მოთხოვნის საკითხში უმნიშვნელო შემცირება გამოიწვია. ამრიგად, 2025 წლის პირველ ექვს თვეში ჩვენ 26.4 მილიონ ვიზიტორს ვუმასპინძლეთ. მიმდინარე წლის ანალოგიურ პერიოდში კი 25.8 მილიონ ვიზიტორს. წლის მეორე ნახევარი კარგი შედეგებით დაიწყო და არსებული პროგნოზებით, წლის დარჩენილ პერიოდში ტურიზმის მაჩვენებლების გაუმჯობესებაა მოსალოდნელი. ჩვენი სტრატეგიული ინიციატივების შედეგად, შევინარჩუნეთ ტურიზმის შემოსავლები 2025 წლის დონეზე და წლის პირველი ნახევარი 25.8 მილიარდი აშშ დოლარის სტაბილური მაჩვენებლით დავასრულეთ“. უნდა აღვნიშნო ისიც, რომ თურქეთში ღამის გათევის საშუალო მაჩვენებელი 0,5%-ით გაიზარდა და 10,01 ღამე შეადგინა, ხოლო ერთ ღამეში ხარჯი 2,6%-ით გაიზარდა და 109 აშშ დოლარს მიაღწია. ასევე, თურქეთის 3 უმსხვილესი წყარო ბაზარი უცვლელი დარჩა: რუსეთის ფედერაცია (2.65 მილიონი), გერმანია (2.44 მილიონი) და დიდი ბრიტანეთი (1.58 მილიონი).

შეაფასეთ
სტატიის ავტორიInterPress.ge

სიახლეები

მიხეილ სარჯველაძე - სოციალურად დაუცველი ოჯახების გადამოწმება გაგრძელდება და ერთ დღესაც მივიღებთ სრულფასოვან მონაცემთა ბაზას, რითაც ზუსტად გვეცოდინება, ვინ რა სოციალურ შეღავათს იმსახურებსივან ვუკჩევიჩი: მაშინაც კი, როდესაც რეკომენდაციები საერთაშორისო ორგანოებიდან მოდის, არასწორია მათი უპირობო ჭეშმარიტებად მიღება - 2013 წელს ევროპის საბჭოს ორმა ორგანომ, GRECO-მ და ვენეციის კომისიამ, იუარჩილ გორდულაძე: ნიკა გვარამიამ თავადვე აღიარა, რომ ევროკავშირმა საქართველოსთან მოლაპარაკებების პროცესი 2024 წლის ივნისში თავად შეაჩერა. აღნიშნული ადასტურებს იმას, რომ მთელი ამ ხნის განმავლობაში არაკონსტიტუციური პარტიების მიერ ნაწარმოები კამპანია სიცრუე იყომარნეულში ახალგაზრდა მამაკაცი დაჭრესისრაელის არჩევნების წინასწარი შედეგებით, ნეთანიაჰუს ბლოკი 57 მანდატს მოიპოვებსყველა სიახლე →