1 USD =3.079 GEL 1 EUR =3.624 GEL 1 AZN =1.811 GEL 1 TRY =0.421 GEL 1 RUB =4.211 GEL
09 
İyn
2020
16:49
2747

Gürcüstanda avtomobil yanacağı ucuzlaşıb

Aprel ayından etibarən Gürcüstanda benzin və dizel yanacağının qiyməti orta hesabla 0,75-0,80 lari ucuzlaşıb.

InterPress.ge xəbər verir ki, bu barədə Gürcüstan Biznes Assosiasiyasının açıqlamasında deyilir.

Bildirilir ki, son günlərdə Gürcüstanın milli valyutası olan larinin dollar qarşısında möhkəmlənməsi də yanacağın qiymətinin enməsinə təsir göstərən amillər sırasındadır. Qeyd olunur ki, son iki həftə ərzində beynəlxalq bazarlarda yanacağın qiyməti qalxsa da, larinin möhkəmlənməsi fonunda Gürcüstanda qiymətlər hazırkı səviyyədə qalacaq. Assosiasiya yanacaq qiymətlərindəki azalmanın müxtəlif sənaye növlərinin inkişafı baxımından müsbət təsiri olduğunu qeyd edir.

Qeyd edək ki, hazırda Gürcüstandakı yanacaqdoldurma məntəqələrində "Super" markalı benzinin qiyməti 2,10-2,20 lari, "Premium" markalı benzinin qiyməti 1,90-1,95 lari, "Regular" tipli benzinin qiyməti isə 1,79-1,90 lari təşkil edir. Gürcüstanda dizel yanacağının qiyməti isə 1,80-1,95 lari civarındadır.

Bizimlə əlaqə saxlayın



Digər "iqtisadiyyat" xəbərləri