Baş nazir görüş keçirdi - Vətəndaşlar üçün ünvanlı sosial yardım haqda açıqlama verildi

Gürcüstan Hökuməti, ikinci koronavirus dalğası kontekstində,vətəndaşların sosial dəstəyi ilə paralel olaraq, biznesə dəstək tədbirləri üzərində sıx işlərini davam etdirir. Bu gün Baş nazir Qiorqi Qaxaria hökumətin iqtisadi komandasının nümayəndələri ilə adi işgüzar görüş keçirib.

InterPress.ge xəbər verir ki, bu barədə Baş nazirin mətbuat xidmətindən məlumat verilib.

Məlumata əsasən, iclasda iqtisadiyyatdakı meyllər müzakirə edilib və iş yerlərinin qorunması və qlobal böhranın iqtisadiyyata təsirini minimuma endirmək üçün, hökumətin biznesi dəstəkləmək üçün əlavə addımlar atmasının zəruriliyi qeyd edilib.

“Hökumət üzvləri, böhran əleyhinə planın üç mərhələsi çərçivəsində həyata keçirilən tədbirlərin effektivliyini və anti-böhran planının 4-cü mərhələsi çərçivəsində həyata keçirilməsi planlaşdırılan tədbirləri müzakirə etdilər.

İntensiv görüşlər zamanı Baş Nazir, biznes nümayəndələrindən üzləşdikləri ehtiyaclar barədə məlumat alacaq və bu əlaqələr gələcəkdə də davam edəcəkdir. Biznesə dəstək paketi onlarla aktiv ünsiyyət nəticəsində hazırlanacaq və yaxın gələcəkdə ictimaiyyətə təqdim ediləcəkdir. Məlum olduğu kimi, hökumət fəal şəkildə vətəndaşlar üçün ünvanlı sosial yardım paketi üzərində işləyir və hökumətin bu mövzuda koronavirusun ikinci dalğası şəraitində atacağı addımlar yaxın gələcəkdə açıqlanacaq",-deyə Nazirin mətbuat xidmətindən bildirib.