DİN müxalifətin mitinqi səbəbindən hərəkətin məhdudlaşdırılması barədə məlumat yayır
Müxalifət partiyaların etiraz askiyasına görə, Tbilisinin bəzi rayonlarında nəqliyyatın hərəkəti məhdudlaşdırılıb.
InterPress.ge xəbər verir ki, Daxili İşlər Nazirliyinin mətbuat xidməti bu barədə məlumat verib.
Daxili İşlər Nazirliyinin Patrul Polisi Şöbəsi bildirir ki, bu gün, 18 noyabr tarixində Tbilisidə müxalif siyasi partiyaların təşkil etdiyi mitinq baş tutur, bu səbəbdən paytaxtın bəzi ərazilərində nəqliyyatın hərəkəti müvəqqəti məhdudlaşdırılıb. Xüsusilə Respublika Meydanında və Rustaveli prospektində (keçmiş poçt binasından Azadlıq meydanına qədər) nəqliyyat vasitələrinin hərəkəti tamamilə qadağan edildi. Həmçinin Rustaveli prospektindəki küçələrin heç birində nəqliyyat axını hərəkət edə bilməz. Bundan əlavə, Melikişvili prospektindən gələn nəqliyyat axını yalnız Merab Kostava küçəsi istiqamətində hərəkətini davam etdirəcək. Nəqliyyat vasitələri Rustaveli metro stansiyası istiqamətində hərəkət edə bilməyəcək. Həmçinin, Filarmoniyadan Rustaveli metro stansiyına, habelə Merab Kostava küçəsinə qədər birləşdirən bütün küçələr bağlanıb. Nəqliyyat Qalaktioni Körpüsündən Elbakidze yoxuşuna qədər məhdudlaşdırılıb - sürücülər David Ağmaşenebeli prospekti və ya sahil istiqamətində hərəkətə davam edəcəklər. Nəqliyyatın təhlükəsiz hərəkəti patrul polisi qrupları tərəfindən tənzimlənir. Zəruri hallarda sürücülər patrul müfəttişlərindən əlavə təlimat ala bilərləe. Mitinq qurtaran kimi, nəqliyyat həmişəki kimi bərpa ediləcək.
