Bu gündən etibarən ali təhsil müəssisələrində universitet binalarında praktik-laboratoriya işləri bərpa ediləcəkdir

"19 oktyabrdan etibarən Tbilisi, Kutaisi, Zuqdidi və Poti ali təhsil müəssisələri yalnız universitet binalarında praktik-laboratoriya işlərini davam etdirəcəklər".

InterPress.ge xəbər verir ki, bu haqda Təhsil, Elm, Mədəniyyət və İdman nazirinin müavini Nunu Miçkeviç qeyd edib.

Onun sözlərinə görə, tədris planının digər komponentləri səlahiyyətləri daxilində ali təhsil müəssisələri tərəfindən məsafəli idarə olunacaq.

“Qeyd edək ki, tədris ilinin başlamasından bir neçə ay əvvəl Səhiyyə Nazirliyi ilə təhlükəsizlik tövsiyələri üzərində işləməyə başladıq. Müvafiq olaraq, bütün məcburi tövsiyələr universitetlər tərəfindən müəyyənləşdirilir və ciddi şəkildə yerinə yetirilir - bu, masalar arasında bir metr məsafəni qorumaq, məsafə saxlamaq, dezinfeksiya işləri aparmaq, universitetə daxil olarkən termoskrininqdən keçmək və s. Səhiyyə Nazirliyinin Əmək Müfəttişliyi Şöbəsi tədris ilinin əvvəlində bütün universitetlərdə yoxlama prosesi aparıb və bu səbəbdən də tələbələr üçün 19 oktyabrda universitetlərdə bütün yerlərin təhlükəsiz olacağını deyə bilərik", - dedi Nunu Miçkeviç.