Qirçi partiyasının sədrindən insanlara toylarla bağlı təklif

"Seçki öncəsi toy və ad günlərini təşkil edəcəyik" .

InterPress.ge xəbər verir ki, bu barədə Didube-Çuğureti seçki dairəsindən namizəd, Qirçi lideri Zura Caparidze qeyd edib.

"Hökumətin koronavirusla əlaqəli verdiyi məhdudiyyətlərlə bir çox insanın həyat planları pozuldu. Toy planlaşdıran - pul ödəmiş, restoran icarəyə götürmüş, paltar almış və ya pul xərcləmiş insanlar var və hökumət anidən deyir - həyat planlarınız vecimizə deyil planınızı həyata keçirə bilməzsiniz. Belə insanlar çoxdur.

Biz bu insanlara təklif edirik ki, qadağan olunduğu, qadağan olunan bu izdihamlı tədbirləri Qirçinin seçkiqabağı təşviqat yığıncağına çevirə bilərik. Toy, ad günü və ya hər hansı bir tədbir olsun, bu mərasimin keçirilməsi ilə çox sayda insanın bizimlə danışması ilə maraqlıyıq.

İstənilən partiya üçün 50 və ya 100 adamı bir yerə toplayıb danışmaq çox çətindir, bu insanların toplaşması mənim marağımdadır. Adi bir "Girçi" tədbiri olacaq - bayraqları, atributları, seçki qəzetləri və s. Gəlin istəsə danışa da bilər. Patrul bir şey edə bilməz, cərimə edə bilməz, haqqı yoxdur", - dedi Caparidze.

Qeyd edək ki, epidemiya vəziyyəti ilə əlaqədar ölkədə sentyabrın 10 dan yubiley, toy, şənliklərin keçirilməsi qadağandır. Sadə nikah qadağan olunmayıb. İzdihamlı tədbirlərə, yığıncaqlara məhdudiyyət qoyulub. Toy, doğum günü və s. iştirakçılarının sayı 10 nəfərdən çox olmamalıdır.