Rustavi-Tbilisi magistral yolunda qəza baş verib - VİDEO

"Nissan" markalı minik avtomobili, tikinti materialları daşıyan "Kamaz" markalı yük avtomobili ilə toqquşub.

InterPress.ge xəbər verir ki, toqquşma nəticəsində yük maşını yoldan çıxaraq aşıb. Yük maşınının arxa hissəsinə yüklənmiş tikinti materialları yola səpilib.

Hadisə yerinə patrul polisi, xilasetmə xidməti və təcili yardım qrupları səfərbər edilib.

Yük maşınının sürücüsü tibb müəssisəsinə aparılıb. Avtomobilin sürücüsünə gəlincə, qəza səbəbindən üzünə yüngül xəsarətlər alıb, ancaq xəstəxanaya aparılması lazım olmayıb.