Milli Xəstəliklərə Nəzarət Mərkəzinin direktor müavini Paata İmnadze-dən qorxunc proqnoz

"Payızın sonundan etibarən ikinci güclü bir koronavirus dalğasını gözləyirik. Bunun ehtimalı böyükdür. Qışda isə virus əhəmiyyətli dərəcədə aktivləşir".

InterPress.ge xəbər verir ki, bunu Kviris Palitra-ya müsahibəsində Milli Xəstəliklərə Nəzarət Mərkəzinin direktor müavini Paata İmnadze söyləyib.

O, məhdudlaşdırıcı tədbirlərin yumşaldılması ilə COVID-19 yoluxanların sayının artacağından da narahatlığını bildirdi.

"İnsanlar koronavirusun yox olduğunu düşünürlər, amma heç bir yerə getməyib, hələ də bizimlədir. Ən azı bir il. Gəlin koronavirusla yaşamağı öyrənək: sosial məsafəni qoruyun, böyük yığıncaqlardan çəkinin, əl gigiyenasını qoruyun və maskalar taxın - bu koronavirusla həyat tərzidir. Qaydaya əməl etsək, yayda virus daha az aktiv olacaq. ", - dedi İmnadze.

İmnadzenin sözlərinə görə, ikinci COVID-19 dalğası, noyabr ayının sonundan etibarən gözlənilir. Ancaq bəlkə də üçüncü və dördüncü olacaq deyə bildirdi.

"Ancaq əvvəlcə ikinci dalğadan keçək, sonra danışaq. O vaxta qədər ya bir peyvənd yaradılacaq, ya da təsirli bir antivirus dərmanı ”dedi İmnadze.