Kvemo Kartli bölgəsində doğum halları ölüm hallarını üstələyib
"Cəmi 3 regionda doğumlar ölümləri ötüb" .
InterPress.ge xəbər verir ki, bu barədə "Sakstat"ın icraçı direktorunun müavini Paata Şavişvili "Palitra" radiosunun "Sənin vaxtın" proqramında danışıb.
Onun izahına görə, doğum göstəricisi yalnız Tbilisi, Acarıstan və Kvemo Kartlidə ölüm nisbətini üstələyir, digər bütün regionlarda fərq mənfidir.
“Doğum və ölüm nisbətləri arasındakı fərq əhalinin artımı istiqamətində ən mühüm komponentlərdən biridir. Doğumla ölüm arasında fərq mənfi, 6900 vahid təşkil edir ki, bu da birbaşa olaraq regional kontekstdə əhalinin azalmasında özünü göstərirdi. Təbii artıma regional nöqteyi-nəzərdən baxsaq, cəmi 3 bölgə ayrılıb, müsbət olanlar yalnız Tbilisi şəhərində, Acarıstan Muxtar Respublikasında və Kvemo Kartli bölgəsindədir. Müvafiq olaraq, yalnız 3 regionda doğumlar ölümləri üstələyib”, - Paata Şavişvili bildirib.
Gürcüstanda diri doğulanların göstəricisinə gəlincə, Sakstat-ın icraçı direktor müavini deyib ki, 2014-cü ildən bu yana hər il azalır.
"Pik dövr 2014-cü ildə 60.000 körpənin doğulduğu il olub ki, bu da ən yüksək göstəricidir. Bu ildən sonra dinamikaya nəzər salsaq, diri doğulan uşaqların sayı azalır. Əvvəlki illə müqayisədə bizdə hətta 7-8% azalma var”, - deyə Paata Şavişvili bildirib.
Məlumat üçün bildirək ki, Gürcüstanda hər beşinci şəxs pensiyaçıdır. Son 5 ildə bu göstərici 9,8 faiz artaraq ümumi əhalinin 22,4 faizini təşkil edib. Həmin dövrdə əhalinin sayı 0,3% artıb. 2023-cü ilin son məlumatına görə, əhalinin sayı 3 736 357 nəfər olub, onlardan 838 097 nəfəri pensiyaçılardır.
