DİN yollarda "qara nöqtələr"in aşkar edilməsi istiqamətində işləyir
Daxili işlər naziri Vaxtanq Qomelauri bu gün parlamentdə dinləniləcək.
InterPress.ge xəbər verir ki, artıq nazirin hesabatı qanunverici orqanın saytında dərc olunub və deputatlar sabah onu dinləyəcəklər.
Sənəddə onların arasında yol hərəkəti təhlükəsizliyinin yaxşılaşdırılması məqsədilə ötən il nazirliyin həyata keçirdiyi layihələrdən də bəhs edilir.
“Yol təhlükəsizliyi istiqamətində edilən qanunvericilik dəyişiklikləri mühüm əhəmiyyət kəsb edir ki, buna əsasən sürət həddini aşmağa, sərxoş vəziyyətdə avtomobil idarə etməyə, dağlıq rayonlarda qış təkərləri olmadan avtomobil idarə etməyə və s.-yə görə sanksiyalar sərtləşdirilib.
Qanunların sərtləşdirilməsi, cərimələrin artırılması və bir sıra ictimai maarifləndirmə tədbirləri nəticəsində son üç rübdə yol-nəqliyyat hadisələri nəticəsində həlak olanların sayı azalıb. Lakin bütün bunlara baxmayaraq, dördüncü rübdə bu istiqamətdə statistika daha da pisləşib.
2023-cü ildə əvvəlki illə müqayisədə Gürcüstanın Cinayət Məcəlləsində nəzərdə tutulmuş yol-nəqliyyat hadisələrinin sayı 2%-dən çox artıb (2022-ci ildə 5469, 2023-cü ildə isə 5594).
Yol-nəqliyyat hadisələri nəticəsində xəsarət alanların sayı 3 faiz (2022-7517; 2023-7310) azalıb, ölənlərin sayı isə eyni faiz (2022-430, 2023-442) artıb.
Yol hərəkəti təhlükəsizliyinin gücləndirilməsi məqsədilə Daxili İşlər Nazirliyinin İnformasiya-analitik idarəsində yol-nəqliyyat hadisələrinin baş vermə səbəblərini ətraflı təhlil edəcək yeni bölmə – Yol Hərəkətinin Təhlükəsizliyinin Təhlili İdarəsi yaradılıb. Adıçəkilən idarə “qara nöqtələri” müəyyən etmək və sonradan profilaktik tədbirlər planlaşdırmaq vəzifəsi daşıyır”, - sənəddə deyilir.
